Dismas

Saka Wikipédia Jawa, bauwarna mardika basa Jawa
Santo Dismas

Santo Dismas, maling ingkang ingkang martobat ing kayu salib.
Miyos
Tilar donya watawis 33 Masehi, Golgota, bukit ing njawi Yerusalem
Dipun urmati ing Gréja Ortodoks Wétan
Gréja Katulik Roma
Dinten pèngetan 25 Maret
Portal Santo

Miturut tradhisi Santo Dismas punika satunggiling santo ingkang nembé ndhèrèk Yésus ing menit-menit pungkasan kagesanganipun.[1] Dismas punika salah satunggil saking kalih durjana ingkang dipunsalibaken ing sisih kiwa lan sisih tengen Yésus.[1] Ing salebetipun kitab Injil Lukas 23:39-43, dipuncariyosaken bilih durjana ingkang satunggal boten ngeduwungi tumindakipun, nanging durjana satunggalipun malih ngeduwungi tumindak alanipun.[1] Durjana ingkang ngeduwungi tumindakipun inggih punika Dismas.[1][2] Nalika nyaketi ajalipun, Dismas nyuwun pangapunten amargi dosa-dosanipun dhumateng Yésus.[1] Yésus paring pangapunten lan ngandika: "Dina iki uga kowé bakal bebarengan karo aku ing Swarga".[1] Dismas dipunpirsani minangka tuladha kanggé tiyang ingkang purun martobat.[2] Sasanèsipun puniku, panjenenganipun ugi dados santo pangreksa kanggé tiyang ingkang dipunukum pati.[2]

Asal nama[besut | besut sumber]

Salebetipun Injil Lukas maling puniku boten gadhah nama. Salebetipun Injil Nikodemus (apokrif, asalipun saking Abad ka-4) nama maling ingkang saé punika "Dismas", nama maling ala inggih punika "Gestas". Salebetipun Injil al-Tufuliyah (apokrif, Abad ka-6) namanipun inggih punika "Titus", maling ala punika "Dumachus".[3] Ing gréja ortodoks Ruslan, namanipun punika "Rah".

Réferènsi[besut | besut sumber]

  1. a b c d e f Bernadette McCarver Snyder. 2001. 115 Kisah Santo-Santa yang Mengasyikkan. Yogyakarta: Kanisius. Hal. 48.
  2. a b c A. Heuken. 1985. Ensiklopedi Orang Kudus. Jakarta: Yayasan Cipta Loka Caraka. Hal. 94.
  3. Catholic Encyclopedia Arabic Gospel of the Infancy 23. "And the Lord Jesus answered, and said to His mother: Thirty years hence, O my mother, the Jews will crucify me at Jerusalem, and these two robbers will be raised upon the cross along with me, Titus on my right hand and Dumachus on my left; and after that day Titus shall go before me into Paradise."