Dewan Pers

Dewan Pers inggih punika salah satunggaling lembaga independen ing Indonésia ingkang gadhah fungsi kanggé ngrembakakaken lan nglindhungi pagesangipun pers ing Indonésia. Dewan Pers sajatosipun sampun madeg wiwit taun 1966 kanthi Undang-undang No. 11 Tahun 1966 ngèngingi Ketentuan-ketentuan pokok pers, nanging ing wekdal punika Undang-undang No. 11 Tahun 1966 tentang Ketentuan-ketentuan pokok pers, gadhah fungsi dados penasehat pamaréntah lan gadhah gegayutan kanthi strukutral kaliyan Departemen Penerangan. Kanthi éwah- ewahaning wekdal, Dewan Pers saged langkung ngrembaka malih lan akhiripun saged gadhah dhasar ukum ingkang paling énggal inggih punika Undang-Undang No. 40 Tahun 1999 ngengingi Pers. Wiwit wekdal punika, Dewan Pers saged madeg dados satunggaling lembaga independen. Kanthi wujuding Dewan Pers ugi kanggé njangkepi Hak Asasi Manungsa (HAM), amargi kamardikan pers kalebet dados péranganing HAM. Dewan Pers gadhah weenang kanggé ngrampungaken sengketa jurnalistik. Minangka lembaga independen, Dewan Pers boten gadhah wakilipun saking pamaréntah ingkang dados anggotanipun. Sapunika, Dewan Pers dipunpandhegani déning Bagir Manan.

Fungsi Dewan Pers

Miturut Pasal 15 ayat (2) Undhang- undhang Pers, Dewan Pers gadhang fungsi kados makaten:^[1]^[2]

Nglindhungi kamardikan pers saking campur tanganipun pihak sanèsipun;
Nindakaken pengkajian kanggé ngrembakakaken pagesanganipun pers;
Netepaken lan ngawasi lampahing Kode Etik Jurnalistik;
Paring pertimbangan lan ngupaya cara ngrampungaken pengaduanipun masarakat saking kasus- kasus ingkang wonten gegayutanipun kaliyan pawartos bab pers;
Ngrembakakaken komunikasi ing antawisipun pers, masarakat, lan pamaréntah;
Paring fasilitas dhateng organisasi- organisasi pers kanggé nyusun peraturan- peraturan ing babagan pers lan ningkataken kualitas profesi wartawan;
Ndhata perusahaan pers.

Dewan Pers asipat swatantra lan boten wonten malih pérangan pamaréntah wonten ing struktur organisasinipun.

Anggotanipun

Miturut Pasal 15 ayat (3) Undang-Undang Pers ^[1] , anggota Dewan Pers dipunpilih kanthi demokratis saben tigang taun sapisan. Anggota Dewan Pers kapérang dados:

wartawan ingkang dipunpilih déning organisasi wartawan;
Pimpinan perusahaan pers ingkang dipunpilih déning organisasi perusahaan pers; lan
Tokoh masarakat, ahli ing babagan pers lan utawi komunikasi, lan babagan sanèsipun ingkang dipunpilih déning organisasi wartawan lan organisasi perusahaan pers.

Kangge kalamangsa taun 2010- 2013, anggota Dewan Pers inggih punika:

Prof. Dr. Bagir Manan, S.H., M.C.L. (unsur tokoh masarakat)
Ir. Bambang Harymurti, M.P.A. (unsur wartawan)
Agus Sudibyo, S.I.P. (unsur tokoh masarakat)
Drs. Anak Bagus Gde Satria Naradha (unsur pimpinan perusahaan pers)
Drs. Bekti Nugroho (unsur wartawan)
Drs. Margiono (unsur wartawan)
Ir. Muhammad Ridlo ‘Eisy, M.B.A (unsur pimpinan perusahaan pers)
Wina Armada Sukardi, S.H., M.B.A., M.M. (unsur tokoh masarakat)
Ir. Zulfiani Lubis (unsur pimpinan perusahaan pers)

Struktur Kelembagaan

Dewan Pers kapérang dados 7 komisi supados saged nindakaken fungsinipun kanthi saé.

Pratélan Ketua Dewan Pers

Kangge kalamangsa 1968 - 1999 taksih sareng MEntri Penerangan ingakng njabat kanthi ex-officio

No	Nama	Mulai Jabatan	Akhir Jabatan
1	Laksda TNI Boediardjo	1968	1973
2	Mashuri, S.H	1973	1978
3	Ali Murtopo	1978	1983
4	Harmoko	1983	1997
5	R. Hartono	1997	1998
6	Alwi Dahlan	1998	1998
7	Letjen. TNI Yunus Yosfiah	1998	1999

Sasampunipun 1999 dados Dewan Pers ingkang independen

No	Nama	Mulai Jabatan	Akhir Jabatan
1	Atmakusumah Astraatmadja	2000	2003
2	Prof. Dr. Ichlasul Amal, MA	2003	2010
3	Prof. Dr. Bagir Manan, S.H., M.C.L.	2010	2013

Uga delengen

Cathetan suku

↑ ^a ^b "Pasal 15". UU No. 40 Tahun 1999 Tentang Pers.^{[pranala mati permanèn]}
↑ "Fungsi Dewan Pers". Dewan Pers Indonésia.^{[pranala mati permanèn]}

Rujukan

[Fungsi-1] "Pasal 15". UU No. 40 Tahun 1999 Tentang Pers.^{[pranala mati permanèn]}

[Fungsi2-2] "Fungsi Dewan Pers". Dewan Pers Indonésia.^{[pranala mati permanèn]}

[1]

[2]