Delon Thamrin

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Cithakan:Infobox penyanyi Indonésia Stanislaus Alexander Liauw Delon Thamrin, utawa kang kondhang kanthi jeneng Delon Thamrin (lair ing Jakarta, 20 Mèi 1978; umur 41 taun) ya iku penyanyi Indonésia.[1] Delon Thamrin dadi runner-up Indonésian Idol ing mangsa pertama kang dianakaké taun (2004).[1] Delon duwé latar belakang dadi wedding singer.[1] Dhèwèké seneng karo Josh Groban, salah sijiné penyanyi kang asalé saka Amérikah Sarékat.[1]

Delon wiwit sinau akting lan dadi bintang ing filem layar lebar kang judhulé Vina Bilang Cinta nalika taun (2005).[1] Film iki uga éntuk penghargaan ing box office Indonésia.[1] Ing filem iki, Delon akting karo aktris kang tau éntuk Piala Citra FFI nalika taun 2005, ya iku Rachel Maryam.[1]

Delon ing Indonésian Idol[besut | besut sumber]

Ing putaran akir final Indonésian Idol mangsa pertama Delon akèh nyanyékaké lagu-lagu balad romantis.[2] Nanging ana uga kontroversi sajeroning dhèwèké miwiti kariré ing babak puncak iki, ana kang ngarani yèn Delon bisa menang nganti final amarga rupané kang ngganteng lan uripé kang ngundang simpati masarakat.[2] Akèh pawarta ing médhia kang nerangaké yèn ibuné Delon nduwé lara jantung lan Delon banjur kerja kanggo nyukupi beaya kanggo berobat ibuké.[2] Delon uga kerep dikritik amarga Delon ora kuwat nyanyi lagu kang duwé tempo dhuwur.[2] Nanging Delon sangsaya populer lan tetep éntuk simpati saka para penggemaré.[2] Para penggemar Delon nggabung ing wadhah kang diarani Deloners.[2]

Sanajan kalah kanthi kacék sithik swara ing final Indonésia Idol, nanging juara siji ing Indonésian Idol nalika iku dimenangaké karo Joy Tobing.[3] Delon diresmékaké dadi Indonésian Idol pirang-pirang sasi sawisé iku.[3] Iki amarga Joy Tobing mutusaké kanggo metu saka manajemen artis IP (Indomugi Pratama) kang dadi pihak manajemen kang dipilih FreMantle Media kang nyekel brand Indonésian Idol bareng karo RCTI, BMG lan IP Manajemen [3].

Cathetan suku[besut | besut sumber]

  1. a b c d e f g kapanlagi.com(dipunundhuh tanggal 11 Juli 2011)
  2. a b c d e f indonesianidol.com(dipunundhuh tanggal 11 Juli 2011)
  3. a b c Ancam gelar Joy Tobing suaramerdeka online