Damhuri Muhammad

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Damhuri Muhammad ya iku sastrawan, cerpenis, saka Minangkabo.[1][2] Dhèwèké lair ana Taram, Payakumbuh, Sumatra Kulon, ing 1 Juli 1974.[1][2]

Damhuri ngrampungaké pawiyatan ana jurusan Bahasa dan Sastra Arab ing Fakultas Adab IAIN Imam Bonjol, Padang, taun 1997.[1][2] Banjur ngrampungaké Pasca Sarjana Filsafat ing Universitas Gadjah Mada, Yogyakarta, ing 2001.[1][2]

Dhèwèké konsistèn ana jalur cerita cekak.[3] Dhèwèké ora ngoyak akèhé cerita kang ditulis ing wayah setaun kanggo diemot ana kalawarti utawa médhia liyané.[3] Uga dhèwèké konsistèn ngangkat cerita-cerita saka panggoné lair, Sumatra Kulon.[3] Cerkaké ora mung sarat adat kana, nanging iya legéndha lan mitos kang wis akèh dilalèkaké.[3]

Ngakuné, cerita-cerita kang duwé prabawa kanggo dhèwèké ya iku cerita-cerita lésan anonim kang dirungokaké saka wong-wong kana nalikané dhèwèké isih bocah.[3] Cerita-cerita ngenani wong-wong kang kebal senjata, ngenani centèng pasar iwak kang ora ana sing bisa ngalahaké, cerita-cerita ngenani wong wédok kang bisa ndukuni wong lanang akèh, lan liya-liyané.[3]

Cathetan suku[besut | besut sumber]

  1. a b c d Aynda. "Damhuri Muhammad". biodataprofilpemain.com. Dijupuk 22 August 2016. 
  2. a b c d "Damhuri Muhammad Sastrawan dan Penulis Indonesia". databiografi.com. Dijupuk 22 August 2016. 
  3. a b c d e f Denny, Nastiti (7 October 2015). "(Wawancara Penulis) Damhuri Muhammad dan Kenangan Masa Lalu". kampungfiksi.com. Dijupuk 22 August 2016. 

Pranala njaba[besut | besut sumber]