DC Comics

Saka Wikipédia Jawa, bauwarna mardika basa Jawa

DC Comics, Inc. iku pambabar buku komik Amérikah. DC Comics, Inc. kuwi pérangan pambabaré DC Entertainment,[1] kongsiné Warner Bros. Entertainment, péranganing Time Warner. DC Comics kalebu salah siji perusahaan gedhé dhéwé lan paling suksès ning prakara buku komik Amèrikah, lan wis nyiptaké material sing ngamot karakter-karakter wira kang mashur, kalebu Superman, Batman, Wonder Woman, Green Lantern, The Flash, Aquaman, Shazam, Hawkman lan Green Arrow. Jagad fiksi DC universe uga ngamot tim-tim kaya ta Justice League, the Justice Society of America, lan the Teen Titans, lan durjana kang mashur kaya ta Joker, Lex Luthor, Catwoman, Darkseid, Ra's al Ghul, Deathstroke, General Zod, Professor Zoom, Sinestro, Black Adam lan Brainiac. Perusahaan iki uga mbabar barang-barang sing ora ana gandhèngané karo DC Universe, kaya ta Watchmen, V for Vendetta lan liyané sarana pambabaran séjé ingaran Vertigo.

Singkatan jeneng "DC" kuwi wiwitané saka sèrial perusaaan iki sing paling kondhang aran Detective Comics sing ngètokaké debhut Batman, banjur dadi péranganing jenengé perusahaan.[2] Awalé manggon ing dalan kapapat Manhattan nomer 432, kantor DC Comics tau manggon ing dalan Lexington nomer 480 banjur nomer 575; dalan katelu nomer 909; Rockefeller Plaza nomer 75; dalan kalima nomer 666; lan nomer 1325 ing tlatah  Amérikah. Markas mligi DC manggon ing Broadway nomer 1700, Midtown Manhattan, kutha New York, mung ing Oktober 2013 DC Entertainment mbiwarakaké bakal mindhah markas mligi saka New York, ing  Burbank, California taun 2015.

Rujukan[besut | besut sumber]

  1. Melrose, Kevin (October 10, 2009). "DC Entertainment - what we know so far". Comic Book Resources. Diarsip saka sing asli ing September 13, 2009. Dibukak ing September 11, 2009.
  2. "Official Site". Dccomics.com. April 21, 2010. Dibukak ing June 17, 2010.