Batman

Saka Wikipédia Jawa, bauwarna mardika basa Jawa
Batman

Batman
samak cetakan kaping kalih Batman #608 (Oct. 2002), déning Jim Lee lan tinta déning Scott Williams.

Penerbit DC
Muncul
pisanan
Detective Comics #27 (Mèi 1939).
Pancipta Bob Kane
Bill Finger
Watak
Watak samaranBruce Wayne
Afiliasi
kelompok
Batman Family

Justice League of America
Wayne Enterprises

Outsiders
AliasThe Dark Knight, "Matches" Malone
KaprigelanIntelejensi level-Jenius,

Ahli detektif,
Ahli kabur,
Kondisi fisik ing sanginggiling manungsa normal,
Ahli bela diri,
Perlengkapan tèknologi inggil,

Sumber arta ingkang boten winatesan

Batman (wiwitanipun dipunsebat the Bat-Man) punika satunggaling tokoh fiksi pahlawan super utawi superhero ingkang dipuncipta déning seniman Bob Kane lan panyerat Bill Finger ingkang dipunterbitaken déning DC Comics. Tokoh Batman punika kapisan medal wonten ing Detective Comics #27 (Mèi 1939). Ugi kawéntar kanthi nama jejuluk kados ta the Caped Crusader, the Dark Knight, the World's Greatest Detective, utawi kanthi singkat the Bat wonten ing kisah aslinipun lan kathah sanget. Identitas Batman inggih punika Bruce Wayne satunggaling pengusaha ingkang sugih. Nama Bruce Wayne piyambak dipunpendhet saking nama tokoh historis inggih punika Robert the Bruce lan Mad Anthony Wayne[1][2].

Superhero Batman[besut | besut sumber]

Batman punika superhero ingkang boten gadhah kakuwatan mirunggan kados Spiderman ingkang saged ngginakaken jaring kemangga, Superman ingkang saged mabur lan medalaken sinar laser saking mripatipun [3].

Cariyos Batman punika manéka versi. Sarjana William Uricchio lan Roberta E. Pearson nyerat ing wiwitan taun 90-an. "boten kados tokoh-tokoh fiksional sanèsipun, Batman boten gadhah cathetan ing periode tartamtu nanging wonten ing teks tetep ing wekdal ingkang sami medal langkung saking 5 dekade". Cariyosipun asring musat ing kaanan kisah wiwitan Batman. Minangka lare alit, Bruce Wayne ajrih lan trauma ningali tuyang sepuhipun (Doctor Thomas Wayne lan garwanipun Martha) dipunpateni déning perampok. Punika ingkang ndadosaken Bruce Wayne gadhah kekajengan mbasmi kejahatan ing kutha Gotham dados Batman Sesarengan kaliyan kancanipun, Robin [3]. Ing taun salajengipun, 26 Juni dados tanggal madegipun sosok Batman (Batman Confidental#14). Tanggal kasebat tanggal nalika kadadosan prastawa rajapejah punika lan saben taun Batman mesthi dugi ing papan kadadosan punika.

Dipunbiyantu déning Alfred Pennyworth, Bruce Wayne yasa kakuwatan superhéro kanthi manfaataken polo, intelegensi, lan ketrampilan minangka detektif, kasugihan, ngèlmu pangetahuan, teknologi, ketangkasan fisik, lan intuisi minangka makluk ingkang dipuntindas [3]. Wonten superhero ugi mesti wonten mungsuhipun. Ingkang dados mungsuhipun Batman inggih punika Catwoman, the Penguin, the Riddler, Scarecrow, Mister Freeze, Poison Ivy, Ra's Al Ghul, Joker, lan Bane.

Cathetan suku[besut | besut sumber]

  1. [1] Archived 2012-08-28 at the Wayback Machine., (id) Batman Pelajaran Berharga Colorado (dipun-akses tanggal 05 Januari 2013).
  2. http://www.comicsbulletin.com/bobro/102552572329705.htm
  3. a b c [2] Archived 2012-08-30 at the Wayback Machine., (id) Batman (dipun-akses tanggal 05 Januari 2013).