Désa Adat

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
F.A. Liefrinck

Désa Adat iku tembung kanggo nyebut salah sawijining wujud désa.[1] Tembung iki kanthi sepisanan dienggo déning Liefrinck ing Bali Lor taun 1886-1887. Liefrinck nyebut bilih désa Bali iku sajatiné républik climèn kang duwé aturan adat lan tradisi. Tataran pamréntahane awujud dhémokrasi lan saben wong duwé hak lan jejibahan kang padha. Wong kang dipilih minangka pamimpin désa ya iku wong kang tuwa dhéwé utawa sesepuh ing kono. Nanging, manawa ana kaputusan kang béda ing antarané warga masarakat bakal dipilih cara voting utawa milih swara kang paling akèh.

Liefrinck[besut | besut sumber]

Manawa désa adat didelok minangka téyori, tembung iki asliné awujud téyori kolonial utawa panjajah Walanda. Mergané, Liefrinck iku wong Walanda kang njabat minangka kontrolir ing taun 1800-an ing tlatah Bali Lor. Ing wektu iki, dhèwèké duwé kalodhangan kanggo nliti bab warga masarakat ing tlatah iku mau. Apa manèh, ing taun 1896-1900 Liefrinck njabat dadi Rèsidhén Bali lan Lombok, sabanjuré ing taun 1904-1909 dadi Dhèwan Hindia.[2]

Cathetan suku[besut | besut sumber]

  1. I Gde Parimarta (2004). Pulitik Kebudayaan dan Identitas Etnik. Bali: Balimangsi Press. k. 25. 
  2. Liefrinck, F.A. (1927). Bali en Lombok. Amsterdam: J.H Bussy.