Cimabue

The Madonna of Santa Trinita sing kacanthèlaké ana ing Uffizi ing ruangan sing padha kaya Madonna déning siswané Cimabue, Giotto lan liyané déning kongkirèné saka Siena, Duccio.

Cimabue sing nggawe disain Christ in Majesty ing Katedral pisa. Mujudaké srasah saka emas cilik-cilik lan tègel sing diwarna.

Cimabue, (watara taun 1240 - 1302), iku sawijining pelukis saka Firenze ing Italia sing makarya ing akir Jaman Tengahan. Jeneng asliné ya iku Cenni di Peppi. Dhèwèké nglukis ikon gedhé kanthi gagrag Byzantium lan minangka pelukis kawitan sing paling mandra ing kutha Firenze. Siji-sijiné karya seni sing diyakini pancèn karya gawèané Cimabue ya iku srasah Kristus ing Prabawa sing ana ing Katedral Pisa lan lukisan fresko gedhé banget nanging uwis rusak cacah loro sing ana ing Gréja Santo Francis ing Assisi.

Lukisan paling kuncara sing digawé déning Cimabue, ya iku lukisan "Madonna of Santa Trinita" sing lukisan altar sing digarap tumrap Gréja Tritunggal Kudus. Saiki lukisan mau ana ing Gladri Uffizi ing Firenze. Cimabue uga kapitaya nglukis krusifik gedhé cacah loro sing kagantung ana ing gréja Santo Dominikus ing Arezzo lan uga Gréja Salib Kudus (Santa Croce, Firenze). Krusifiking Santa Croce rusak amarga ketrajang banjir lan saiki ana ing muséumé gréja.

Panganggit lelakon Giorgio Vasari nyerat ngenani uripé Cimabue, 250 taun sawisé dhèwèké tinggal donya. Dhèwèké nyerat yèn nuju sawijining dina, Cimabue lagi lumaku ana ing sapinggiré désa nalika dhèwèké weruh bocah lanang pangon cilik lagi nglukis gambar domba ana ing watu. Gambarané banget apiké saéngga dhèwèké teka marang bapaké bocah kuwi lan njaluk supaya bocah kuwi mèlu dhèwèké saperlu maguru lan dhèwèké bakal diajari nglukis. Bocah lanang kuwi ya iku Giotto, sing nuli dadi pelukis sing kondhang banget, lan dianggep pelukis kawitan ing jaman Renaisans Italia.

Rujukan

• Giorgio Vasari, Lives of the Artists, (1568), 1965 edition, trans George Bull, Penguin, ISBN 0-14-044164-6
• Frederick Hartt, A History of Italian Renaissance Art, (1970) Thames and Hudson, ISBN 0-500-23136-2
• Helen Gardner, Art through the Ages, (1970) Harcourt, Brace and World, ISBN 0155-03752-8
• Ilan Rachum, The Renaissance, an Illustrated Encyclopedia, (1979) Octopus, ISBN 0-7064-0857-8
• Luciano Berti, Florence: the city and its art, (1971) Scala, ISBN unknown
• Luciano Berti, The Ufizzi, (1971) Scala, Florence. ISBN unknown