Katarina saking Siena
Santa Katarina saking Siena (Siena, Italia, 25 Maret 1347 – Roma, Italia, 29 April 1380) punika satunggiling "tertiari" Ordo Dominikan utawi gayutan-awam Ordo Dominikan. Katarina punika putri kaping 23 saking 25 yoga (sadhèrèk kembaripun, putri kaping 24, tilar donya nalika miyos); tiyang sepuhipun Giacomo ing Benincasa, satunggiling pawarni-rasukan, lan garwanipun, Lapa. Panjenenganipun punika Santa lan Dhoktor Gréja.
Minangka tertiari, Katarina dedunung ing griya lan sanès ing biara, lan piyambakipun nglampahi gesang kanthi prasaja. Panjenenganipun misuwur amargi pasa lan nindakaken penahanan dhiri ingkang kathah sanget, mungel sapuniki langkung dipuntepangi minangka anorexia nervosa, saéngga pelajar Rudolph Bell ing wurinipun migunakaken kagesanganipun minangka conto ing bukunipun Anorexia Suci.
Wetawis taun 1366 panjenenganipun ngalami punapa ingkang dipungambaraken salebeting seratipun minangka 'palakrami mistik' kaliyan Yesus, lan taun 1370 panjenenganipun nampi satunggal séri pandhangan ngenani neraka, purgatori, lan swarga sasampunipun panjenenganipun mireng satunggiling préntah kanggé nilaraken kagesanganipun ingkang katilar lan mlebet dhumateng kagesangan publik ing donya. Panjenenganipun wiwit nyerat serat dhumateng priya lan wanita salebeting otoriter, mliginipun nyuwun kanggé perdamaian antawispun républik lan prinsipalitas Italia lan kanggé wangsulipun papasi saking Avignon dhumateng Roma. Panjenenganipun gadhah korèspondhén ingkang dhetil kaliyan Paus Gregory XI, ugi nyuwun dhumateng panjenenganipun kanggé mbentuk clergy lan ngatur Papal State.
Ing wulan Juni 1376 panjenenganipun tindak piyambakan dhumateng Avignon minangka duta ageng Florence kanggé rukunan kaliyan Papal State, nanging boten kasil. Panjenenganipun damel Paus berkesan sanget saéngga panjenenganipun mangsulaken administrasinipun dhumateng Roma wulan Januari 1377. Ing Schisma Ageng 1378 panjenenganipun dados pandhukung Paus Urban VI, ingkang ngundang panjenenangipun tindak dhateng Roma lan penjenenganipun manggèn ing Roma dumugi tilar donyanipun taun 1380.
Paus Pius II nganonisasi Katarina taun 1461. Seratipun dipunanggep minangka karya ageng saking literatur awal Tuscan. Dinten pèngetanipun tanggal 29 April.
Santa Katarina ugi wujud santa pelindhung sororiti Catholic America bersejarah, Theta Phi Alpha.
Ugi pirsani
[besut | besut sumber]- Rudolph Bell, Holy Anorexia
- Caroline Walker Bynum, Holy Feast and Holy Fast: The Religious Significance of Food to Medieval Women [1]
Pranala njawi
[besut | besut sumber]- St Catherine of Siena-Poems and Prayers
- Saint Catherine of Siena Virgin