Candhi Karangnangka

Candhi Karangnangka yaiku candhi saka agama Hindu. Candhi iki digawé saka watu andhésit. Mapan ana ing Klathèn, Jawa Tengah. Ukurané kurang luwih 9 m × 9 m, kanthi dhuwur kurang luwih 0,50 m. Candhi Karangnangka digawé ing abad kaping 8-9 Masèhi.

Ing sakiwa-tengené candhi isih akèh turahan bata kang biyén digunakaké kanggo mbangun Candhi Karangnangka. Ing plataran Candhi Karangnangka isih ana fragmen murti pérangan weteng samengisor kanthi wujud lungguh sila karo èpèk-èpèking tangan ana ing dhuwur dhengkul. Ing sisih wétan candhi ana sumber banyu bening kang digawé blumbang. Ing pérangan ngisor blumbang kagawé saka watu-watu ing jaman samana kang digunakaké kanggo pondhasi blumbang.