Cameron Diaz

Saka Wikipédia Jawa, bauwarna bébas abasa Jawa
Cameron Diaz
CameronDiazJune07.jpg
Asma wiyosan Cameron Michelle Diaz
Miyos (1972-08-30) 30 Agustus 1972 (umur 44)
San Diego, California, AS
Pakaryan modhèl fashion (1988-1993)
aktris (1993-sapuniki)

Cameron Diaz utawi kanthi nama jangkep Cameron Michelle Diaz (lair 30 Agustus 1972; umur 44 taun) ing San Diego, California, Amérika Sarékat inggih punika salah satunggalipun artis saking Amérika Sarékat.[1][2] Panejenganipun punika putra kaping kalih saking tiga sadhèrèk kanthi kakang ingkang asmanipun Chimene Diaz lan rayi Michael Diaz.[1] Cameron dados kawentar nalika dados paraga ing film The Mask, There's Something About Mary, My Best Friend's Wedding, Charlie's Angels, Shrek, lan Gangs of New York.[1]

Gayutan kaliyan sajarah pagesanganipun, Cameron Diaz punika sadèrèngipun naté nggadhahi sesambetan mirunggan kaliyan prodhuser film Carlos De La Torre, aktor Matt Dillon, Jared Leto, lan musisi métal personil NSYNC Justin Timberlake ngantos kalih taun dangunipun.[1] Ananging sesambetan mirunggan kaliyan Timberlake ingkang kathah pikantuk sorotan saking médhia boten saged langgeng lan pedhot amargi bénten yuswa.[1]

Karièr[besut | besut sumber]

Cameron Diaz miwiti karièripun ing panggung modhèl nalika nembé yuswa 16 taun, sasampunipun lulus SMA.[1] Nalika semanten panejenenganipun dipunkonntrak déning agèn modhèlling ingkang naminipun Elite Model Management.[1] Boten sawetawis dangu, panjenenganipun lajeng nyambut damel minangka modhèl prodhuk misuwur kados Calvin Klein lan Levi's. Nalika yuswa 17 taun panjenenganipun dados samak ngajeng kalawarti Seventeen édhisi wulan Juli 1990.[1] Karièripun ing jagad akting dipunwiwiti taun 1994. Nalika semanten, Cameron miwiti karièr ing jagad punika kanthi dados paraga Tina Carlyle ing film The Mask.[1]

Cathetan suku[besut | besut sumber]

  1. ^ a b c d e f g h i (id)Cameron Diaz utawi kanthi asma jangkep Cameron Michelle Diaz dipunundhuh tanggal 20 September 2011)
  2. ^ (id)Biography forCameron Diaz dipunundhuh tanggal 20 September 2011)

Pranala njawi[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Cameron_Diaz&oldid=1093609"