Bruce Lee

Bruce Lee
Jeneng Cina	李小龍 (Tradhisional)
Jeneng Cina	李小龙 (Prasaja)
Pinyin	Lǐ Xiǎolóng (Mandarin)
Jyutping	Lei5 Siu2 Lung4 (Kanton)
Leluhur	Shunde, Guangdong, China
Asal	Hong Kong
Makam	Seattle, Washington, USA Lakeview Cemetery
Pakaryan	Martial arts instructor, actor, philosopher, filem director, screenwriter, and martial arts founder
Taun aktif	1941–73
Jeneng pasangan	Linda Emery (1964–73)
Anak	Brandon Lee (1965–93) Shannon Lee (born 1969)
Wong tuwa	Lee Hoi-chuen (1901–65) Grace Ho (1907–96)
Situs resmi	Bruce Lee FoundationBruce Lee official website
Penghargaan Golden Horse Awards Best Mandarin Film1972 Fist of FurySpecial Jury Award1972 Fist of Fury

Bruce Lee (jeneng lair Lee Jun-fan; (1940-11-27)27 Novèmber 1940) Dhèwèké kondhang dadi aktor aktion legendaris China kang populer amarga filem-filem silaté. Meski ngono iku, Lee lair ning San Francisco, California, Amérikah Sarékat, lan gedhené ning Hong Kong. Ora namung dadi aktor, Lee uga dadi prodhuser filem, kang mproduksi filem-filem Hongkong, Ora namung kondhang dadi master kung fu lan penulis buku.

Priya kang uga duwé jeneng Li Xiaolong iki, uga mèlu lan njegur ing donya akting awit dhèwèké isih cilik, ning endi bapaké uga dadi juru main opera kang sok ngajak dhèwèké main ing pangging. Nganti umur 18 taun, dhèwèké wis mbintangi 20 filem. Ning filem-filem kondhang kang dibintangi dhèwèké kaya ta filem kang judhulé WAY OF THE DRAGON, ENTER THE DRAGON, FIST OF FURY, THE GREEN HORNET, lan liya-liyané.

Ora namung filem kang dhèwèké ripta, dhèwèké iku aktor kang nempuh ngèlmu filsafat sasuwené kuliyah mau uga anduwweni gawéan nulis buku. Buku-buku kang diripta déning dhèwèké ya iku Chinese Gung-Fu: The Philosophical Art of Self Defense (Bruce Lee's first book) lan The Tao of Jeet Kune Do (Published posthumously). Ora namung ngeripta buku babagan seni bela dhiri kang dhèwèké dijengengi Jeet Kune Do, kang dipadukaké karo ngèlmu bela diri, fisika lan ajaran tao kang sasuwené iki disinauni déning dhèwèké.

Lee kang tau lumebu ning 100 Most Important People of the Century versi majalah TIME iku tilar donya kanthi cara sing isih dadi pitakonan. Garwa saka Linda Lee iku tilar donya ing Hong Kong, nalika nyiapaké filem GAME OF DEATH.

Prediksi bab tilar donyané uga warna-warna, wiwit saka lelara kang ora dideteksi sadurungé nganti amarga usada kang dikonsumsi déning Bruce Lee. Nanging sadurungé dhèwèké ngombé obat Analgesic (obat kang ngilangaké nyeri) kang diwènèhaké déning kolegané kang jenengé, Betty Ting Pei, kamangka dhèwèké iku alergi karo obat mau. Dhèwèké tilar donya ing umur 32 taun, ya iku ing taun 1973. Ing taun 2010 kisah uripé bakal digawé filem kanthi judhul 'BRUCE LEE, MY BROTHER'.