Benjamin Thompson

Saka Wikipédia Jawa, bauwarna bébas abasa Jawa
Benjamin Thompson
Lair (1753-03-26)Maret 26, 1753
Woburn, Massachusetts
Pati Agustus 21, 1814(1814-08-21) (umur 61)
Paris
Padunungan Woburn, Massachusetts, Britani Raya, Jerman (Bavaria), dan Perancis
Kawarganegaraan Britania Raya
Kabangsan Britania Raya
Babagan Fisika
Misuwur amarga Termodinamika
Notable awards Copley Medal
Agama Anglican

Benjamin Thompson (kang kerep dikenal minangka 'Count Rumford' lair tanggal 26 Maret 1753 – tinggal donya 21 Agustus 1814 nalika umur 61 taun) ya iku penemu, ilmuwan, negarawan, lan tentara misuwur saka Amerika.[1] Benjamin Thompson lair ana ing Woburn Utara, Massachusetts tanggal 26 Maret 1753.[1] bapake ya iku tani lan tinggal donya alikaBenjamin Thompson umur 2 taun.[1] Ibune, Ruth Simonds kawin manèh karo Josiah Pierce ing wulan Maret 1976.[2] Nalika isih cilik, Benjamin Thompson duweni kekurangan kanggo ragad sekolah mula nalika cilik dhèwèké kerep sinau dewean lan teruse éntuk akèh pengetahuan saka kanca lan kenalane.[1] Nalika umur 13 taun, Benjamin Thompson wiwit nindakake pirang-pirang gawéan kayatajuru tulis, importer, pedagang bahan garing, lan magang ing Doctor John Hay of Woburn.[1] Ing kono, Thompson éntuk akèh pengetahuan tentang elmu medis.[1] Bakat Thompson nalika nyambut gawé nganggo pirabti mekanis lan keprigelan basane kang apik, ndadekake John Fowle, salah sawijining guru lulusan Harvard, mbantu dhèwèké nalika sinau marang Professor John Winthrop ing Harvard.[3] Ing taun 1772, Thompson ninggalake kutha kelahirane lan mulang ana ing salah sawijining sekolah ing Bradford, Massachusetts.[3]

Cathetan Suku[besut | besut sumber]

  1. ^ a b c d e f (Inggris) ALLEN L. KING, "Count Rumford, Sanborn Brown, and the Rumford Mosaic", Dartmouth College Library Bulletin, 1 April 1955.
  2. ^ (Inggris)George Edward Ellis (1845). "Memoir of Sir Benjamin Thompson, Count Rumford: with notices of his daughter". Harvard College Library.
  3. ^ a b (en) Woburn Historical Commission. "THE LIFE AND LEGEND OF COUNT RUMFORD".