Bathik cap
Bathik cap ya iku bathik sing digarap nganggo cap (alat sing digawé saka tembaga bentuké pada gambar utawa motif sing dipingini). Kanggo nggawé siji gagang cap bathik ukuran dawa karo amba: 20 cm X 20 cm butuh wektu 2 minggu. Bentuk gambar ing bathik cap mesthi ana motif sing dibalèni nganggo ukuran motif sing luwih gedé ketimbang bathik tulis. Gambar bathik cap biasané ora tembus ing 2 sisi kain.
Warna dasar kain biasané luwih tuwa saka warna motifé. Disebabna bathik cap ora nutup dasar motif sing luwih angèl kaya déné sing biasa diproses ing bathik tulis. Gegayutané kanggo ngoyak rega adol sing luwih murah lan wektu produksi sing luwih cepet.
Wektu sing dibutuhaké kanggo 1 kain bathik cap 1-3 minggu. Kanggo nggawé bathik cap sing akèh motifé, diperlukna akèh cap. Rega cap bathik luwih larang ketimbang canthing. Rega cap bathik ukuran 20 cm X 20 cm ing jaman saiki Rp350.000,00 tekan Rp700.000,00/motif. Saka modal ngarep, bathik cap relatif larang. Wektu anggoné nganggo cap bathik saka kahanan sing apik tekan 5 taun tekan 10 taun, yèn ora rusak. Rega adol bathik cap luwih murah ketimbang bathik tulis, amarga cacahé akeh lan nduwéni motif sing ora unik, ora mirunggan lan ora eksklusif.[1]
Rujukan
[besut | besut sumber]- ↑ Anindito., Prasetyo, (2010). Batik : karya agung warisan budaya dunia (édhisi ka-Cet. 1). [Yogyakarta]: Pura Pustaka. ISBN 9789791706209. OCLC 688645162.
{{cite book}}: CS1 maint: extra punctuation (link)