Bahan pawarna alami

Bahan pawarna alami yaiku, bahan pawarna saka bahan alam arupa kembang, godhong-godhongan, oyot, lan sapituruté kang kalebu pérangan saka wit-witan. Kanthi konvénsional, simbah biyén kita ngasilaké kain tradisional tanpa migunakaké pawarna sintétis.

Jinis tanduran

Pawarna alam sifaté kinarya panambah manéka werna tékstil, ora bisa dibandingké karo pawarna sintétis. Pirang-pirang tanduran kang bisa digunakaké kinarya pawarna alam:

1. Tanduran indigo, godhongé ngasilké warna biru.
2. Wit soga, kulité ngasilké warna soklat kekuningan nganti soklat keabang-abangan.
3. Godhong pelem, ngasilaké warna kuning.
4. Godhong jambu isi, ngasilaké warna soklat keijoan.
5. Kayu mahoni, ngasilaké warna soklat.
6. Sabut klapa, ngasilaké warna soklat.
7. Godhong jati, ngasilaké warna abang kesoklatan.
8. Godhong ulin, ngasilaké warna abu-abu.
9. Godhong andong, ngasilaké warna ijo.
10. Isi kesumba, ngasilaké warna orén.
11. Godhong alpukat, ngasilaké warna ijo kesoklatan.
12. Woh lobi-lobi, ngasilaké warna abu-abu.
13. Woh pinang/jambe, ngasilaké warna soklat.
14. Kembang sepatu, ngasilaké warna ungu.
15. Godhong puring, ngasilaké warna ungu.
16. Mengkudu/mahkuta désa, kulit oyot mengkudu ngasilaké warna abang tuo.
17. Godhong suji, ngasilaké warna ijo ènom.