Atol Bikini

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Atol Bikini, salah satunggaling situs warisan UNESCO
Sana Warisan Donya UNESCO
Daerah Uji Coba Nuklir Bikini Atoll
Janeng ing Pratélan Warisan Donya
JinisBudaya
Wewatoniv, vi
Rujukan1339
Tlatah UNESCOAsia Pasifik
Sujarah prasasti
Prasasti2010 (Sési ke-34)

Bikini Atoll inggih punika sawijining papan ingkang dumunung ing wewengkon Mikronesia ingkang minangka péranganing KapuloanMarshall ingkang dumunung ing Samudera Pasifik. Dumunung ing sisih lèr Khatulistiwa papan punika ugi minangka papan uji coba nuklir wiwit Perang Dunia 2 dumugi wulan Dhésèmber 1945.[1]

Papan punika dipuntampi minangka Situs Warisan Donya UNESCO nalika taun 2010.

Sajarah Bikini Atoll[besut | besut sumber]

Nalika taun 1600 KapuloanMarshall kapanggih déning Spanyol lajeng déning Jerman, dipunmanfaataken kanggé mrodhuksi Minyak Kopra saking Buah Klapa.[2]

Nalika perang donya 2 Bikini Atol naté dipunkuwasani Jepang ngantos dumugi Amérikah Sarékat nyerang KapuloanMarshall, kalebet daerah Bikini Atoll, paprangan kadadosan ing KapuloanMarshall lan Amérikah Sarékat saged ngasoraken Jepang, bala - bala Jepang saged dipuntangkep kalebet ingkang sami ngumpet ing bolongan ingkang dipundamel piyambak.[2]

Lajeng, nalika wulan Dhésèmber 1945, Présidhèn Harry. S Truman medalaken paréntah dhumateng pemimpin Angkatan Darat lan Angkatan Laut Amérikah Sarékat, bilih pengujian senjata nuklir badhé dipunprelukaken saperlu nemtokaken èfék bom atom wonten ing kapal perang Amérikah Sarékat lan Bikini Atoll ingkang dipunpilih amargi lokasinipun ingkanng tebih lan dados papan pengujian senjata nuklir ingkang paling énggal ingkang dipundamel déning Amérikah Sarékat.[2]

Lan nalika wulan Fèbruari taun 1946 gubernur Militer Ben. H Wyatt ngunjungi Bikini Atol lan ngandharaken bilih sadaya penduduk ing Bikini Atoll kedah ninggalaken papan punika, amargi papan punika badhé dipundadosaken papan pengujian senjata nuklir paling énggal déning Amérikah Sarékatlan Ben. H Whyatt ngandharaken bilih saperlu kaslametan lan katentreman donya, ing pungkasanipun sadaya penduduk Bikini Atoll ninggalaken papan mau lan dumunung ing papan ingkang tebih saking Bikini Atoll, prosès pindhahan mau dipunpimpin déning Raja Yehuda.[2]

Papan Wisata[besut | besut sumber]

Bikini Atoll sapunika sampun boten dipun-ginakaken malih, nanging sapunika papan mau dados jujugan plesiran, kalebet ingkang remen nyilem, amargi kaéndahan andhap lautipun, kathah sanget iwak-iwak ingkang dumunung ing ngandhap laut Bikini Atoll. Papan punika dados daerah tujuan favorit para panyilem.[3]

Cathetan suku[besut | besut sumber]