Astri Ivo

Saka Wikipédia Jawa, bauwarna bébas abasa Jawa
Astri Ivo
Astri Ivo1.jpg
Lair Astrie Feizaty Ivo
Jeneng liya Astri Ivo
Pakaryan aktris
Taun aktif 1971-sapunika

Astrie Feizaty Ivo (lair ing Jakarta, 21 Sèptèmber 1964; umur 53 taun) inggih punika nama ingkang boten asing malih ing jaman taun 1980-an.[1] Aktris punika miwiti karieripun awit alit. Ibunipun, Ivo Nilakreshna ugi satunggalipun penyanyi ingkang misuwur ing taun 1960-an.[1]

Astri Ivo palakrami kaliyan Dariola Yusharyahya ingkang kalebet rayinipun aktris Zoraya Perucha.[1] Saking bangun balewisma punika pikantuk tigang putra inggih punika Kevin Arighi Yusharyahya, Adrio Faresi, lan Riedo Devara.[1] Sadangunipun karier ing jagad filem, priyantun èstri ingkang ngagem jilbba wiwit taun 2000 punika naté dados paraga utami ing filem Bunga Cinta Kasih, Tabah sampai Akhir, sarta Boni dan Nancy.[1] Astri Ivo ugi naté nyerat buku kanthi irah-irahan Cantik Sepanjang Usia ingkang dipunrilis ing Arena Islamic Book Fair, Senayan ing sasi Maret 2006.[2] Ing wekdal samangke Astri Ivo jarang medal ing jagad hiburan.[3] Saking punika wonten pamanggih manawi Astri badhé pensiun saking jagad ingkang sampun damel Astri misuwur.[3] Nanging Astri ngendikan manawi piyambakipun boten badhé nilaraken jagad hiburan punika, nanging nglaksanakaken kanthi ngeli kemawon.[3]

Filmografi[besut | besut sumber]

Astri Ivo sampun dado bintang filem ing filem Samiun dan Dasima (1970), Ilusia (1971), Titienku Sayang (1972), Jauh di Mata (1973), Tabah Sampai Akhir (1973), Boni dan Nanci (1974), Kasih Sayang (1974), Ratapan Si Miskin (1974), Susana (1974), Suster Maria (1974), Lembah Duka (1981), Bila Hati Wanita Menjerit (1981), Bunga Cinta Kasih (1981), Fajar Yang Kelabu (1981).[1]

Cathetan suku[besut | besut sumber]

  1. ^ a b c d e f Profil dipunundhuh tanggal 28 Juli 2011)
  2. ^ Astri Ivo Luncurkan Buku 'Cantik Sepanjang Usia' dipunundhuh tanggal 28 Juli 2011)
  3. ^ a b c Astri Ivo Jalani Profesi Secara Mengalir dipunundhuh tanggal 28 Juli 2011)

Pranala njawi[besut | besut sumber]