Aksara Vaṭṭeḻuttu

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Vaṭṭeḻuttu
Tharisappalli copper plates.jpg
Prasasti Tembaga Tharisapalli aksara Vaṭṭeḻuttu.
Jinis
Basa Tamil
Malayalam
Kala
700-an M – saiki
Aksara babon
Aksara turunan
Saurashtra
Aksara sadulur
Malayalam, Grantha

Aksara Vaṭṭeḻuttu, utawa diucapaké Vattezhutthu (tegesé "aksara mlungker", cara Tamil: வட்டெழுத்து vaṭṭeḻuttu; cara Malayalam: വട്ടെഴുത്ത് vaṭṭeḻuttŭ) ya iku aksara abugida sing asalé saka wong Tamil kuna ing India Kidul. Aksara iki tinurun saka aksara Tamil-Brahmi lan minangka salah siji saka telung aksara sing diréka wong Tamil kanggo nulisaké basa Proto-Tamil. Aksara liyané ya iku aksara Grantha kuna utawa aksara Pallawa lan aksara Tamil. Aksara silabis (aksara sing dumadi saka wanda) iki temon buktiné ana kawit abad angka 6 M nganti abad angka 14 ing wewengkon sing saiki dadi praja Tamil Nadu lan Kerala ing India. Aksara iki sabanjuré kagantèni déning aksara Tamil lan aksara Malayalam modhèren. Aksara Vaṭṭeḻuttu dhéwé ngantèkaké aksara Tamil-Brahmi kanggo nulisaké basa Tamil sabubaré abad angka 2 M. Rupané aksara iki sing mlungker uga dianggo ing wewengkon Kerala kanggo nulisaké basa Tamil saha basa Proto-Malayalam lan basa Malayalam. Tekan sepréné, basa Malayalam ditulis nganggo aksara Malayalam. Padunung Kuccaveli, sing papané ana ing bang lor Trincomalee, nganggo aksara Vaṭṭeḻuttu kawit antara angka 5 lan angka 8. Temoné ing kana wujud prasasti watu.[1]

Rujukan[besut | besut sumber]

  1. Manogaran. The Untold Story of Ancient Tamils in Sri Lanka. k. 31. 

Bibliografi[besut | besut sumber]

  • Sivaramamurti, C, Indian Epigraphy and South Indian Scripts. Bulletin of the Madras Government Museum. Chennai 1999