ꦩꦢꦸꦒꦺꦴꦮꦺꦴꦁꦗꦠꦶ, ꦒꦿꦶꦁꦱꦶꦁ, ꦧꦠꦁ
ꦗꦮ
|
| ꦩꦢꦸꦒꦺꦴꦮꦺꦴꦁꦗꦠꦶ | |
|---|---|
| Désa | |
| Nagara |  Indonésia |
| Provinsi | ꦗꦮꦠꦼꦔꦃ |
| ꦏꦧꦸꦥꦠꦺꦤ꧀ | ꦧꦠꦁ |
| Kacamatan | ꦒꦿꦶꦁꦱꦶꦁ |
| Pamaréntahan | |
| • Lurah désa | - |
| Pepadhet | - |
꧋ꦩꦢꦸꦒꦺꦴꦮꦺꦴꦁꦗꦠꦶ꧈ꦲꦶꦏꦸꦱꦭꦃꦱꦶꦗꦶꦢꦺꦱ/ꦏꦭꦸꦫꦲꦤ꧀ꦤꦁꦏꦕꦩꦠꦤ꧀ꦒꦿꦶꦁꦱꦶꦁ꧈ꦏꦧꦸꦥꦠꦺꦤ꧀ꦧꦠꦁ꧈ꦥꦿꦺꦴꦮ꦳ꦶꦤ꧀ꦱꦶꦗꦮꦠꦼꦔꦃ꧈ꦆꦤ꧀ꦝꦺꦴꦤꦺꦱꦶꦪ꧉
ꦱꦗꦫꦃ
[besut | besut sumber]꧋ꦫꦶꦮꦪꦠꦶꦥꦸꦤ꧀ꦢꦺꦱꦩꦢꦸꦒꦺꦴꦮꦺꦴꦁꦗꦠꦶꦩꦼꦤꦶꦏꦩꦥꦤ꧀ꦮꦺꦴꦤ꧀ꦠꦺꦤ꧀ꦤꦁꦢꦠꦫꦤ꧀ꦠꦼꦔꦃꦲꦤ꧀ꦠꦮꦶꦱꦶꦥꦸꦤ꧀ꦥꦼꦂꦧꦸꦏꦶꦠꦤ꧀ꦏꦤ꧀ꦛꦶꦮꦶꦠ꧀ꦮꦶꦠꦤ꧀ꦗꦠꦶꦒꦢꦲꦤꦶꦥꦸꦤ꧀ꦥꦼꦂꦲꦸꦠꦤꦶ꧈ꦲꦶꦁꦱꦏꦶꦮꦠꦼꦔꦼꦤ꧀ꦤꦶꦥꦸꦤ꧀ꦢꦺꦱꦩꦼꦤꦶꦏꦮꦺꦴꦤ꧀ꦠꦼꦤ꧀ꦱꦮꦃꦲꦶꦁꦏꦁꦩꦶꦱꦲꦏꦺꦤ꧀ꦝꦸꦱꦸꦤ꧀ꦱꦼꦠꦸꦁꦒꦭ꧀ꦏꦭꦶꦪꦤ꧀ꦝꦸꦱꦸꦤ꧀ꦱꦤꦺꦱꦶꦥꦸꦤ꧀꧈ꦱꦲꦺꦁꦒꦗꦫꦏ꧀ꦝꦸꦱꦸꦤ꧀ꦱꦼꦠꦸꦁꦒꦭ꧀ꦏꦭꦶꦪꦤ꧀ꦝꦸꦱꦸꦤ꧀ꦱꦤꦺꦱꦶꦥꦸꦤ꧀ꦠꦼꦧꦶꦃ꧉ꦢꦭꦤ꧀ꦢꦭꦤ꧀ꦏꦁꦚꦩ꧀ꦧꦸꦔꦏꦺꦢꦸꦱꦸꦤ꧀ꦝꦸꦱꦸꦤ꧀ꦲꦶꦏꦸꦆꦱꦶꦃꦢꦸꦫꦸꦁꦱꦩ꧀ꦥꦸꦂꦤ(ꦩꦱꦶꦃꦩꦕꦢꦩꦤ꧀ꦲꦶꦱꦶꦃꦏꦠꦸꦠꦸꦥ꧀ꦲꦶꦁꦊꦩꦃ)ꦱꦲꦺꦁꦒꦲꦶꦁꦩꦁꦱꦉꦤ꧀ꦝꦼꦁꦢꦭꦤꦺꦧ꧀ꦭꦼꦢꦼꦏ꧀ꦗꦭꦫꦤ꧀ꦲꦔꦺꦭ꧀ꦧꦔꦼꦠ꧀ꦢꦶꦭꦶꦮꦠꦶ꧉ꦠꦤꦶꦥꦫꦶꦤꦁꦢꦺꦱꦩꦢꦸꦮꦺꦴꦮꦺꦴꦁꦗꦠꦶꦩꦶꦤꦁꦏꦮꦶꦭꦪꦃꦠꦼꦠꦤꦺꦤ꧀ꦱꦶꦁꦲꦩ꧀ꦧꦏꦤ꧀ꦛꦶꦥꦼꦔꦻꦫꦤ꧀ꦱꦶꦁꦕꦸꦏꦸꦥ꧀ꦥꦿꦱꦗꦭꦤ꧀ꦕꦸꦏꦸꦥ꧀꧈ꦱꦤꦗꦤ꧀ꦲꦶꦱꦶꦃꦲꦏꦺꦃꦲꦭꦔꦤ꧀ꦲꦩꦂꦒꦲꦶꦱꦶꦃꦲꦏꦺꦃꦲꦶꦫꦶꦒꦱꦶꦱꦶꦁꦢꦸꦫꦸꦁꦠꦻꦴꦏꦼꦤꦥꦱꦶꦂꦭꦤ꧀ꦱꦼꦩꦺꦤ꧀ꦱꦏꦧꦤ꧀ꦠꦸꦮꦤ꧀ꦥꦼꦩꦼꦫꦶꦤ꧀ꦠꦃꦢꦲꦺꦫꦃ꧈ꦤꦔꦶꦁꦲꦺꦴꦫꦚꦸꦢ꧉ꦱꦼꦩꦔꦠ꧀ꦏꦁꦒꦺꦴꦤꦼꦫꦸꦱꦏꦺꦤꦤ꧀ꦝꦸꦂꦥꦫꦶ꧈ꦲꦸꦒꦮꦶꦭꦪꦃꦱꦮꦃꦱꦶꦁꦢꦶꦢꦸꦮꦺꦤꦶꦩꦱꦾꦫꦏꦠ꧀ꦢꦸꦮꦺꦥꦺꦴꦠꦺꦤ꧀ꦱꦶꦒꦼꦝꦺꦏꦁꦒꦺꦴꦤꦤ꧀ꦝꦸꦂꦮꦶꦠ꧀ꦲꦠꦺꦴꦱ꧀꧈ꦱꦭꦶꦪꦤꦺꦒꦩ꧀ꦥꦁꦠꦸꦮꦸꦃꦭꦤ꧀ꦕꦼꦥꦼꦠ꧀ꦠꦸꦮꦸꦃ꧈ꦮꦶꦠ꧀ꦏꦪꦸꦲꦠꦺꦴꦱ꧀ꦲꦶꦱꦶꦃꦢꦶꦏꦫꦺꦥꦏꦺꦢꦺꦤꦶꦁꦥꦫꦥꦼꦔꦸꦱꦲꦥꦼꦔꦺꦴꦭꦲꦤ꧀ꦏꦪꦸ꧉
꧋ꦢꦺꦱꦩꦢꦸꦒꦺꦴꦮꦺꦴꦁꦗꦠꦶꦩꦶꦤꦁꦏꦢꦺꦱꦥꦭꦶꦁꦄꦼꦤꦺꦴꦩ꧀ꦤꦁꦮꦶꦭꦪꦃꦏꦼꦕꦩꦠꦤ꧀ꦒꦿꦶꦁꦱꦶꦁꦱꦮꦶꦱꦺꦥꦶꦱꦃꦏꦫꦺꦴꦏꦼꦕꦩꦠꦤ꧀ꦠꦼꦂꦱꦺꦴꦤꦺꦴꦤꦁꦠꦲꦸꦤ꧀꧇꧒꧐꧐꧘꧇꧈ꦤꦔꦶꦁꦱꦼꦥꦶꦫꦕꦼꦥꦼꦠꦺꦩꦱꦾꦫꦏꦠ꧀ꦧꦶꦱꦲꦢꦥ꧀ꦠꦱꦶ꧈ꦤꦸꦢꦸꦃꦲꦏꦺꦪꦺꦤ꧀ꦩꦱꦾꦫꦏꦠ꧀ꦢꦺꦱꦩꦢꦸꦒꦺꦴꦮꦺꦴꦁꦗꦠꦶꦤ꧀ꦢꦸꦮꦺꦤꦶꦱꦸꦩ꧀ꦧꦼꦂꦢꦪꦩꦤꦸꦱꦶꦪꦏꦁꦢꦸꦮꦸꦂꦔꦁꦒꦺꦥ꧀ꦭꦺꦴꦏꦱꦶꦢꦺꦱꦏꦱꦺꦧꦸꦠ꧀ꦲꦢꦺꦴꦃꦧꦤꦺꦤꦶ꧈ꦱꦏꦏꦸꦛ꧉
꧋ꦢꦺꦱꦩꦢꦸꦒꦺꦴꦮꦺꦴꦁꦗꦠꦶꦤ꧀ꦢꦸꦮꦺꦤꦶꦱꦼꦗꦫꦃꦱꦶꦁꦕꦸꦏꦸꦥ꧀ꦩꦼꦤꦫꦶꦏ꧀ꦪꦺꦤ꧀ꦢꦶꦒꦭꦶꦭꦸꦮꦶꦃꦗꦼꦫꦺꦴ꧈ꦤꦔꦶꦁꦏꦶꦠꦩꦶꦤꦁꦏꦥꦼꦤꦸꦭꦶꦱ꧀ꦧꦏꦭ꧀ꦚꦸꦒꦸꦲꦏꦺꦱꦼꦗꦫꦃꦔꦢꦼꦒꦺꦢꦺꦱꦩꦢꦸꦒꦺꦴꦮꦺꦴꦁꦗꦠꦶꦏꦤ꧀ꦛꦶꦩꦏ꧀ꦱꦶꦩꦭ꧀꧈ꦲꦶꦁꦔꦼꦤ꧀ꦢꦶꦏꦶꦠꦮꦶꦱ꧀ꦔ꧀ꦒꦺꦴꦭꦺꦏꦶꦕꦿꦶꦠꦱꦏꦱꦮꦺꦠꦫꦮꦺꦴꦁꦱꦶꦁꦏꦼꦭꦶꦔꦤ꧀ꦱꦼꦛꦶꦛꦶꦏ꧀ꦧꦧꦒꦤ꧀ꦱꦼꦗꦫꦲꦺ꧉ꦩꦢꦺꦒꦶꦥꦸꦤ꧀ꦢꦺꦱꦩꦢꦸꦒꦺꦴꦮꦺꦴꦁꦗꦠꦶ꧈ꦱꦭꦗꦺꦔꦶꦥꦸꦤ꧀ꦱꦏꦶꦁꦱꦥꦺꦫꦔꦤ꧀ꦕꦫꦶꦪꦺꦴꦱ꧀ꦩꦼꦤꦶꦏꦢꦶꦥꦸꦤ꧀ꦏꦺꦩ꧀ꦥꦭꦏꦺꦤ꧀ꦱꦲꦢꦶꦥꦸꦤꦤ꧀ꦢꦫꦏꦺꦤ꧀ꦏꦤ꧀ꦛꦶꦫꦶꦁꦏꦺꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦫꦥꦗꦩꦢꦺꦱ꧀꧈ꦮꦺꦴꦤ꧀ꦝꦺꦤꦺꦲꦱꦶꦭꦶꦁꦥꦢꦺꦴꦱ꧀ꦲꦶꦁꦏꦁꦏꦸꦭꦲꦠꦸꦫꦏꦺꦤ꧀꧈ꦩꦼꦤꦮꦶꦠꦏ꧀ꦱꦶꦃꦏꦛꦃꦏꦼꦏꦶꦫꦔꦤ꧀ꦱꦲꦏꦭꦺꦥꦠꦤ꧀꧈ꦥꦸꦤꦶꦏꦱꦌꦱ꧀ꦠꦸꦢꦝꦺꦴꦱ꧀ꦮꦠꦺꦱꦤꦶꦁꦏꦱꦒꦺꦢꦤ꧀ꦏꦶꦠꦱꦼꦢꦪ꧈ꦲꦶꦁꦧꦧꦒꦤ꧀ꦥꦔꦺꦂꦠꦺꦴꦱꦤ꧀ꦱꦲꦲꦁꦒꦺꦤꦶꦥꦸꦤ꧀ꦔꦺꦴꦭꦃꦲꦸꦏꦫ꧈ꦱꦏ꧀ꦢꦺꦫꦺꦔꦶꦥꦸꦤ꧀ꦚꦸꦮꦸꦤ꧀ꦥꦔꦥꦸꦤ꧀ꦠꦺꦤ꧀꧈
꧋ꦏꦕꦫꦶꦠꦤꦭꦶꦏꦗꦩꦤ꧀ꦏꦼꦫꦗꦲꦤ꧀ꦩꦠꦫꦩ꧀ꦲꦤꦱꦥꦺꦫꦔꦤ꧀ꦱꦼꦤꦺꦴꦥꦠꦶꦏꦁꦢꦶꦲꦸꦠꦸꦱ꧀ꦱꦁꦥꦿꦧꦸꦔꦸꦱꦶꦂꦮꦭꦤ꧀ꦝꦲꦶꦁꦧꦠꦮ꦳ꦶꦪ꧈ꦲꦤ꧀ꦠꦮꦶꦱꦶꦥꦸꦤ꧀ꦩꦢꦸꦗꦺꦴꦪꦺꦴꦱꦏ꧀ꦠꦶꦏꦤ꧀ꦛꦶꦗꦼꦗꦸꦭꦸꦏ꧀ꦏꦼꦧꦺꦴꦒꦼꦩꦭꦶꦃ꧈ꦲꦱꦤ꧀ꦏ꦳ꦺꦴꦮꦺꦂꦏꦤ꧀ꦛꦶꦗꦼꦗꦸꦭꦸꦏ꧀ꦩꦕꦤ꧀ꦒꦫꦺꦁ꧈ꦏꦾꦻꦏꦗꦺꦴꦫꦤ꧀꧈ꦏꦾꦻꦩꦕꦤ꧀ꦥꦸꦠꦶꦃꦭꦤ꧀ꦏꦛꦃ꧉ꦭꦁꦏꦸꦁꦭꦁꦏꦸꦁꦆꦁꦏꦁꦩ꧀ꦧꦺꦴꦠꦺꦤ꧀ꦱꦒꦺꦣ꧀ꦏꦶꦠꦱꦼꦧꦸꦠꦏꦺꦤ꧀ꦱꦼꦠꦸꦁꦒꦭ꧀ꦩ꧀ꦧꦏꦱꦼꦠꦸꦁꦒꦭ꧀꧈ꦱꦼꦤꦺꦴꦥꦠꦶꦩꦠꦫꦩ꧀ꦚꦼꦫꦁꦥꦱꦸꦏꦤ꧀ꦮꦭꦤ꧀ꦝꦲꦶꦁꦧꦠꦮ꦳ꦶꦪꦤꦔꦶꦁꦲꦺꦴꦫꦏꦱꦶꦭ꧀ꦭꦤ꧀ꦥꦸꦁꦏꦱꦤꦺꦱꦼꦤꦺꦴꦥꦠꦶꦩꦸꦤ꧀ꦝꦸꦂꦭꦤ꧀ꦏꦼꦥꦺꦔꦶꦤ꧀ꦧꦭꦶꦩꦼꦚꦁꦩꦠꦫꦩ꧀꧈ꦱꦮꦶꦱꦺꦧꦭꦶꦱꦏꦧꦠꦮ꦳ꦶꦪꦲꦏ꦳ꦶꦫꦺꦊꦉꦤ꧀ꦲꦶꦁꦠ꧀ꦭꦠꦃꦧꦠꦁ꧉ꦮꦼꦫꦸꦃꦩꦏ꧀ꦩꦸꦫꦺꦠ꧀ꦭꦠꦃꦧꦠꦁꦱꦶꦁꦲꦶꦱꦶꦃꦱꦸꦧꦸꦂꦠꦼꦠꦸꦮꦸꦲꦤ꧀ꦩꦤꦺꦏꦮꦂꦤ꧈ꦲꦭꦱ꧀ꦗꦠꦶꦱꦶꦁꦗꦼꦩ꧀ꦧꦂꦭꦤ꧀ꦏꦭꦶꦱꦶꦁꦩꦶꦭꦶꦣꦺꦫꦺꦱ꧀꧈ꦲꦉꦥ꧀ꦩꦥꦤ꧀ꦲꦶꦁꦠꦤꦃꦧꦠꦁ꧈ꦧꦚ꧀ꦗꦸꦂꦲꦤꦱꦶꦁꦱꦼꦤꦺꦴꦥꦠꦶ꧈ꦲꦤꦱꦶꦁꦲꦉꦥ꧀ꦩꦥꦤ꧀ꦲꦶꦁꦠ꧀ꦭꦠꦃꦧꦠꦁ꧉ꦩꦸꦭꦶꦃꦩꦼꦚꦁꦩꦠꦫꦩ꧀꧈ꦱꦏꦱꦸꦩ꧀ꦧꦼꦂꦆꦤ꧀ꦥ꦳ꦺꦴꦂꦩꦱꦶꦱꦶꦁꦢꦶꦠꦩ꧀ꦥꦱꦶꦁꦩꦁꦒꦺꦴꦤ꧀ꦲꦶꦁꦮꦶꦭꦪꦃꦧꦠꦁꦏꦊꦧꦸ:
꧋ꦲꦱꦤ꧀ꦏ꦳ꦺꦴꦲꦶꦂ(ꦩꦕꦤ꧀ꦒꦫꦺꦁ)꧈ꦢꦺꦮꦺꦏꦺꦩ꧀ꦧꦸꦏꦏ꧀ꦢꦺꦱꦱꦶꦁꦱꦲꦶꦏꦶꦢꦶꦲꦫꦤꦶꦢꦺꦱꦱꦸꦫꦢꦢꦶ꧈
꧋ꦏꦾꦻꦏꦗꦺꦴꦫꦤ꧀ꦩ꧀ꦧꦸꦏꦏ꧀ꦢꦺꦱꦱꦶꦁꦱꦲꦶꦏꦶꦢꦶꦲꦫꦤꦶꦢꦺꦱꦧꦺꦴꦚ꧀ꦗꦺꦴꦂ꧈ꦏꦼꦕꦩꦠꦤ꧀ꦠꦼꦫꦺꦴꦤꦺꦴ꧉
꧋ꦱꦸꦠꦺꦴꦗꦺꦴꦪꦺꦴꦢꦺꦮꦺꦏꦺꦩ꧀ꦧꦸꦏꦏ꧀ꦢꦺꦱꦱꦶꦁꦱꦲꦶꦏꦶꦢꦶꦲꦫꦤꦶꦢꦺꦱꦱꦼꦤ꧀ꦠꦸꦭ꧀꧈ꦏꦼꦕꦩꦠꦤ꧀ꦒꦿꦶꦁꦱꦶꦁ꧉
꧋ꦩꦢꦸꦗꦺꦴꦪꦺꦴꦱꦏ꧀ꦠꦶꦢꦺꦮꦺꦏꦺꦩ꧀ꦧꦸꦏꦏ꧀ꦢꦺꦱꦱꦶꦁꦕꦼꦢꦏ꧀ꦏꦫꦺꦴꦢꦺꦱꦱꦸꦫꦢꦢꦶ꧈ꦱꦶꦁꦢꦶꦲꦫꦤꦶꦢꦺꦱꦩꦢꦸꦗꦺꦴꦪꦺꦴꦱꦏ꧀ꦠꦶ꧉ꦲꦩꦂꦒꦤꦭꦶꦏꦗꦩꦤ꧀ꦏꦺꦴꦭꦺꦴꦤꦶꦪꦭ꧀ꦮꦭꦤ꧀ꦝ꧈ꦢꦺꦱꦩꦢꦸꦗꦺꦴꦪꦺꦴꦱꦏ꧀ꦠꦶꦢꦶꦠꦼꦏꦤꦶꦮꦺꦴꦁꦮꦭꦤ꧀ꦝ꧈ꦲꦩꦂꦒꦮꦺꦴꦁꦮꦭꦤ꧀ꦝꦲꦺꦴꦫꦱꦼꦤꦼꦁꦪꦺꦤ꧀ꦗꦼꦤꦼꦁꦢꦺꦱꦏꦱꦼꦧꦸꦠ꧀ꦢꦶꦗꦸꦥꦸꦏ꧀ꦱꦏꦗꦼꦤꦼꦁꦮꦺꦴꦁ꧈ꦧꦚ꧀ꦗꦸꦂꦮꦭꦤ꧀ꦝꦒꦤ꧀ꦠꦶꦗꦼꦤꦼꦁꦢꦝꦶꦩꦢꦸꦒꦺꦴꦮꦺꦴꦁꦗꦠꦶ꧉
꧋ꦢꦺꦤꦶꦁꦩꦱꦾꦫꦏꦠ꧀ꦱꦼꦏꦶꦠꦂ꧈ꦪꦲꦶꦏꦸꦩꦱꦾꦫꦏꦠ꧀ꦢꦺꦱꦩꦢꦸꦒꦺꦴꦮꦺꦴꦁꦗꦠꦶ꧈ꦩꦏꦩ꧀ꦩꦢꦸꦗꦺꦴꦪꦺꦴꦱꦏ꧀ꦠꦶꦱꦲꦶꦏꦶꦮꦶꦱ꧀ꦢꦶꦧꦔꦸꦤ꧀ꦏꦤ꧀ꦛꦶꦒꦺꦴꦠꦺꦴꦁꦫꦺꦴꦪꦺꦴꦁꦏꦤ꧀ꦛꦶꦕꦸꦁꦏꦸꦥ꧀ꦲꦶꦁꦱꦢꦸꦮꦸꦫꦺꦩꦏꦩ꧀꧈ꦏꦤ꧀ꦛꦶꦲꦚ꧀ꦕꦱ꧀ꦱꦸꦥꦪꦩꦱꦾꦫꦏꦠ꧀ꦧꦶꦱꦔꦼꦭꦶꦔꦶꦗꦱꦗꦱꦢꦺꦮꦺꦏꦺꦏꦁꦒꦺꦴꦩ꧀ꦧꦸꦏꦏ꧀ꦲꦸꦠꦮꦔꦿꦼꦱꦶꦏꦶꦢꦺꦱ꧉ꦩꦱꦾꦫꦏꦠ꧀ꦢꦺꦱꦩꦢꦸꦒꦺꦴꦮꦺꦴꦁꦗꦠꦶꦔꦿꦱꦱꦾꦸꦏꦸꦂꦩꦫꦁꦗꦱꦤꦺꦲꦩꦂꦒꦱꦲꦶꦏꦶꦧꦶꦱꦔꦿꦱꦏꦏꦺꦠꦼꦠꦤꦺꦤ꧀ꦱꦶꦁꦱꦸꦧꦸꦂꦧꦔꦼꦠ꧀꧈ꦱꦮꦃꦭꦤ꧀ꦱꦮꦃ꧈ꦲꦸꦒꦧꦚꦸꦱꦶꦁꦲꦏꦺꦃꦱꦲꦺꦁꦒꦱꦮꦃꦲꦺꦴꦫꦔꦭꦩꦶꦏꦼꦏꦼꦫꦶꦔꦤ꧀꧉