Vermouth

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Vermouth

Vermouth inggih punika salah satunggaling anggur fortifikasi ingkang sampun dipuntambah kaliyan manéka warna jinis rempah-rempah ingakng raosipun pait, ing antawisipun inggih punika campuran saking Artemisia absinthium, adas manis, kina, kayu manis, biji ketumbar, cengkeh, quassia, kulit jeruk pahit, lan sanès- sanèsipun.[1] Sasampunipun medal tahap - tahapan proses kados data dipunsimpen lan dipunsaring, asilipun inggih punika anggur vermouth ingakng wernanipun pethak (bening). Asal usulipun nama vermouth inggih punika saking tembung wermut basa Jerman kanggé nama tanduran semak A. absinthium.

Vermouth inggih ugi dipun ginakakne kanggé campuran koktail utawi dipun unjuk minangka aperitif. Cinzano, Martini & Rossi lan Noilly Prat inggih punika sapérangan merek vermouth ingkang utami.

Vermouth inggh kapérang saking kalih jinis, inggih punika vermouth Italia (vermouth manis utawi vermouth abrit) lan vermouth Perancis (dry vermouth utawi vermouth pethak). Vermouth Italia wernanipun inggih radi abrit déné vermouth Perancis wernanipun inggih punika radi semu kuning. Ing padatanipun, vermouth Italia padatanipun inggih ngewrat kadar alkohol ing antawisipun saking 16% - 18% lan kadar gendhis ipun inggih ing antawisipun 4% - 16%. Déné vermouth Perancis inggih ngewrat kadar alkohol ngantos 18% lan kadar gendhisipun ngantos 4%.[2]

Sujarah[sunting | sunting sumber]

Rempah ingkang paling wigati kanggé damel vermouth inggih punik semak Artemisia absinthium ingkang saged tuwuh minangka tetuwuhan taunan ing Eropa lan Asia. Ron tanduran punika inggih dipun kum rumiyin wonten ing salebetipun anggur, lan Hippokrates wonten ing taun 500 SM dipun paringi panyaruwé minangka obat reutisme lan sakit kuning. Wonten ing jaman Abad Renaisans, vermouth dipun sadé ing apotek minangka obat ing Inggris.[3]

Prodhusèn vermouth ingkang utami inggih punika satunggaling kawasan Piemonte ing Italia. Pendhudhuk ing mrika sampun damel vermouth wiwit pungkasaning abad kaping pitulas. Wonten ing taun 1786, Antonio Benedetto Carpano wiwit masaraken anggur kanthi aroma rempah (vermouth) ingkang dipun prodhuksi ing Torino.[4]

Prodhusèn vermouth ingkang paling ageng ing dunya inggih punika Martini & Rossi ingkang asalipun saking Torino. Martini & Rossi wiwit sepisanan prodhuksi ing taun 1863, déné Cinzano inggih wiwit prodhuksi sepisanan ing taun 1816.

Ing purwakanipun, vermouth dipundamel saking anggur abrit, annging wiwit udakawis taun 1800, ingkang damel anggur wonten ing wilayah Marseille wiwit damel vermouth pethak saking anggur pethak. Lan ing taun 1813, ahli rempah- rempah ingkang asma Joseph Noilly inggih sepisanan wiwit damel dry vermouth utawi vermouth Perancis. Lan ing taun 1855, putranipun Joseph Noilly ingkang asma Claudius Prat inggih mrodhuksi merek Noilly Prat.

Koktail saking vermouth[sunting | sunting sumber]

Cathetan Suku[sunting | sunting sumber]

  1. ^ Montagné, Prosper (1961). Larousse Gastronomique. London: Hamlyn. pp. 997. ISBN 0-600-02352-4.
  2. ^ Jackson, Ron S. (2000). Wine Science: Principles, Practice, Perception. Academic Press. ISBN 0-1237-9062-X.
  3. ^ Cordell, Barnaby (1995). The Martini: An Illustrated History of an American Classic. Chronicle Books. p. 126. ISBN 0-8118-0717-7.
  4. ^ Clarke, Paul (23 Maret 2013). "The Truth About Vermouth: The secret ingredient in today's top cocktails remains misunderstood". San Francisco Chronicle. http://www.sfgate.com/cgi-bin/article.cgi?f=/c/a/2008/08/15/WI0111LMMB.DTL. Retrieved 23 Maret 2013.
  5. ^ (en) Cara membuat vermouth
Sumber artikel punika saking kaca situs web: "http://jv.wikipedia.org/w/index.php?title=Vermouth&oldid=882164"