Taman Safari Indonesia
Taman Safari Indonésia punika salah satunggaling papan pariwisata kanggé kulawarga kanthi tema lingkungan lan habitat satwa wonten ing alam bébas. Taman punika kapérang malih dados tigang papan. Taman Safari Indonésia I mapan wonten ing Désa Cibeureum, Kacamatan Cisarua, Kabupatèn Bogor, Jawa Barat [1][2] utawi ingkang kawéntar kanthi nama Puncak. Lajeng Taman Safari Indonésia II mapan wonten ing lèrèng Gunung Arjuna, Kacamatan Prigen, kabupatèn Pasuruan, Jawa Timur. Pungkasan Taman Safari Indonésia III mapan wonten ing désa Serongga, Kacamatan Gianyar, Bali.
Taman Safari Indonésia I[besut | besut sumber]
Taman Safari Indonésia I dipunyasa nalika taun 1980 wonten ing kebon tèh ingkang sampun boten produktif. Taman punika dados pilar Taman Nasional Gunung Gedé Pangrango. Taman punika mapan wonten ketinggian 900-1800 mèter nginggiling lumah laut, saha kanthi suhu rerata 16-24 derajat Celcius. Taman punika sampun dipuntetepaken dados Objek Wisata Nasional déning Soesilo Soedarman, Mantri Pariwisata Pos lan Telekomunikasi ing masa punika. Langkung malih, Taman Safari punika sampun resmi dados Pusat Penangkaran Satwa Langka ing Indonésia déning Hasyrul harahap, Mantri Kehutanan masa punika ing tanggal 16 Maret 1990. Status panguasaan lemah punika ing ngandhaping wewenang Yayasan Taman Safari ingkang kalebet ingkang gadhah lan pangelola objek wisata.
Wahana Wisata[besut | besut sumber]
Taman Safari punika papan ingkang menarik amargi kathah objek ing kawasan taman punika ingkang kathah kolèksi manéka warna jinis kéwan. Kéwan-kéwan ingkang wonten ing Taman Safari Indonésia punika ing antawisipun Safari Park, Taman Burung, animal education' show, primates and reptiles, babby zoo, kincir raksasa, gajah lan jaran tunggang, safari trek, caravan and hotèl, Wild wild west, lan taksih kathah malih [1].
Kanggé wahana pertualangan gajah utawi Elephant Adventure punika program ingkang ngajak para wisatawan kanggé nitih gajag kanthi lenggah ing punggungipun gajah lajeng muter-muter mlampah ing kawasan Taman Safari Indonésia kirang langkung satunggal jam. Saben satunggal gajah punika dipunpandhu kaliyan pawangipun lan saged dipuntumpangi sekawan tiyang. Ing wahana babby zoo punika para wisatawan saged foto sesarengan kaliyan macan putih, macan tutul, orang utan, lan sapiturutipun [1].
Wahana sanèsipun inggih punika wild wild west inggih punika atraksi koboi kanthi adegan témbak-témbakan, uyak-uyakan, lan adu mulit. Kanggé mirsani atraksi punika para wisatawan boten kedah mbayar utawi gratis. Atraksi punika dipungelar saben dinten ing jam kalih awan. Para pamirsa dipunsedani lenggahan ing tribun kanthi pengaturanipun melingkar. Dados atraksinipun saged katingal kanthi jelas [1].
Penghargaan[besut | besut sumber]
- Lembaga Konservasi ingkang saé piyambak
- Indonésia Green Award
- Sapta Pesona Award
- Best Indonésia Travel And Tourism Award
- Satyalancana Pembangunan Award
Pranala[besut | besut sumber]
- Situs Resmi Taman Safari Indonésia
- Situs Resmi Taman Safari 2, Pasuruan Archived 2017-12-08 at the Wayback Machine.
- Situs Resmi Taman Safari 3, Bali
- Situs Taman Safari 2, Pasuruan