Steve Jobs

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Steve Jobs

Jobs mamerake iPhone 4 putih ing Worldwide Developers Conference 2010
Lair

Abdul Lateef Jandali[1]
24 Februari 1955

[2]
San Francisco, California, AS[2]
Pati 5 Oktober 2011 (umur 56)
Palo Alto, California, AS
Kabangsan Amerika Serikat
Alma mater Reed College (keluar tahun 1972)
Pakaryan Ketua, Apple Inc.[3]
Bayaran US$1[4][5][6][7]
Bayaran resik Increase$8,3 miliar (2011)[8]
Board member of The Walt Disney Company,[9] Apple, Inc.
Agama Buddha[10]
Garwa Laurene Powell (1991–2011, kematian Jobs)
Putra/putri 4
Kulawarga Mona Simpson (adik)
Tapak asma

Steven Paul Jobs (miyos 24 Februari 1955 - tilar donya 5 Oktober 2011) punika pamimpin perusahaan Apple Computer lan tokoh utama ing indhustri komputer. Panjenenganipun (kaliyan Steve Wozniak) ngedegaken Apple Computer ing taun 1976, lan masarakataken konsèp komputer ing rumah tangga kanthi Apple II. Salajengipun, panjenenganipun dados salah satunggiling tiyang ingkang sepisanan ngawuningani poténsi kanggé ngomersialaken antarmuka panganggé grafis (graphical user interface) lan mouse kang dipunkembangaken ing Palo Alto Research Center perusahaan Xerox, lan teknologi puniki salajengipun dipunterapaken ing Apple Macintosh. Jobs ugi mandhégani Pixar Animation Studios, setunggaling perusahaan komputer animasi misuwur ing donya layar wiyar.

Taun-taun awal[sunting | sunting sumber]

Dipunwiyosaken déning Joanne Simpson lan kagungan rama keturunan Mesir-Arab (asmanipun mboten dipunmangertos) ing Green Bay, Wisconsin, Steven Paul dipunadhopsi sasampunipun miyos déning Paul lan Clara Jobs saking Mountain View, Santa Clara County, California. Sedhèrèk èstri kandhungipun inggih punika pengarang novel Mona Simpson.

Ing taun 1972, Jobs lulus saking SMA Homestead ing Cupertino, California lan dipuntampi ing Reed College ing Portland, Oregon, nanging ngunduraken dhiri namung setunggal semester sasampunipun.

Ing usum gugur taun 1974, Jobs kundur nuju California lan wiwit tumut ing pepanggihan "Homebrew Computer Club" kaliyan Steve Wozniak. Panjenenganipun lan Wozniak sesarengan nyambut damel ing Atari Inc., setunggaling perusahaan pendamel permainan komputer ingkang misuwur, kanthi jawatan perancang permainanipun. Rikala semanten, wonten ingkang nemoaken bilih kanthi modhifikasi sekedhik, setunggaling dolanan sebul ingkang dipunparingaken ing saben kothak Cap'n Crunch Cereal saged nimbulaken nada ing frekwensi 2600 Hz ingkang dipungunaaken déning jasa SLJJ AT&T. Jobs lan Wozniak mbikak usaha sauntawis ing taun 1974 kanggé ndamel setunggal kothak peralatan adhedhasar ide/gagasan ingkang mungkinaken tiyang kaggé damel SLJJ sacara gratis.

Taun 1976, Jobs, yuswa 21, lan Wozniak, 26, ngedegaken Apple Computer Co. ing garasi kagunganipun kuluwarganipun Jobs. Komputer pribadi ingkang dipunkenalaken Jobs lan Wozniak dipunparingi nami Apple I. Komputer punika dipunsadé kanthi regi AS$666.66, punika réferénsi dhumateng nomor telpon saking Wozniak's Dial-A-Joke machine, ingkang pungkasanipun kanthi angka -6666.

Taun 1977, Jobs lan Wozniak ngenalaken Apple II, ingkang suksès ageng ing pasaran rumah tangga lan maringi Apple pangaruh ageng ing indhustri komputer pribadi ingkang tasih anem. Taun 1980, Apple Computer nyathetaken naminipun ing bursa èfèk, lan penawaran saham awalipun ingkang suksès, misuwuring Jobs nambah. Taun punika ugi, Apple Computer ngluncuraken Apple III, éwadéné kasuksèsanipun mboten sasaé sadèrèngipun.

Sesarengan kaliyan mekaripun Apple Computer, perusahaan punika wiwit madosi kapamimpinan énggal kanggé mbiyantu ngatur pawiyaran perusahaan kasebat. Ing taun 1983, Jobs ngajak John Sculley, saking perusahaan Pepsi-Cola, kanggé mimpin Apple Computer, kanthi tantangan, "Menapa Panjenengan badhé sadé unjukan ngandhet karbon sayuswaning gesang Panjenengan, utawi purun mboten Panjenengan ngéwahi donya?" (Do you want to just sell sugared water for the rest of your life, or do you want to change the world?) Ing taun ingkang sami, Apple ugi ngedalaken Apple Lisa ingkang tèknologinipun kalebet majeng sanget ing wekdal semanten nanging gagal ngraih pamundhut ing pangsa pasar.

Taun 1984 dados taun pangenalan Macintosh, komputer sepisanan ingkang saged dipunsadé ing pasaran kanthi ngadhiraken fitur antarmuka panganggé grafis. Pawiyaran Mac dipuncetusaken déning Jef Raskin lan tim kasebat ngginaaken tèknologi ingkang sampun dipunwiyaraken sanès déning Apple, kados ing Xerox's PARC, nanging dèrèng sempat dipunkomersialaken. Kasuksèsan Macintosh ndamel Apple nglirwaaken Apple II kanggé miyaraken produksi Mac, ingkang bertahan dugi sapuniki.

Medal saking Apple[sunting | sunting sumber]

Éwadéné Jobs persuasif sangat lan karismatik dhumateng Apple, kathah ingkang nganggep panjenenganipun pamimpin ingkang gampil ngéwahi pikiran lan kagungan emosi inggil/gampang duka. Taun 1985, sasampunipun kathah njalari masalah kapemimpinan ing salebeting Apple, Sculley ngendhegaken Jobs saking jawatanipun lan ngusir saking Apple.

Sasampunipun medal saking Apple, Jobs ngedegaken setunggaling perusahaan komputer malih, NeXT Computer ingkang kados Lisa, NeXT kalebet majeng sanget ing perkawis tèknologi, nanging mboten naté dados misuwur, kejawi ing saubenging risét sains. (Tim Berners-Lee miyaraken sistem World Wide Web ing CERN kanthi ngginaaken setunggaling NeXT workstation.). Nanging NeXT mbiyantu majengaken tèknologi-tèknologi kados program object-oriented, PostScript, lan prangkat magneto-optical.

Makarya malih ing Apple[sunting | sunting sumber]

Taun 1996, Apple mundhut NeXT kanthi regi AS$402 yuta, lan mbeta Jobs kundur dhateng perusahaan ingkang panjenenganipun degaken. Taun 1997 panjenenganipun dados pamimpin sauntawis ing Apple sasampunipun tilaripun Gil Amelio.

Kanthi pamundhutan NeXT, kathah téknologi saking NeXT dipunterapken ing produk damelan Apple, utaminipun NeXTSTEP, ikang mekar dados Mac OS X. Ing saandhaping bimbingan Jobs perusahaan kasebat ningkataken sesadéanipun sasampunipun ngenalaken iMac. iMac punika komputer sepisanan ingkang dipunsadé kanthi ngutamèaken penampilanipun (éwadéné iMac ugi kathah ngginaaken tèknologi majeng ing lebetipun). Wiwit wekdal punika, penampilan ingkang merak ati lan merek ingkang misuwur sampun maringi bathi kanggé Apple.

Ing tembé wingking, Apple wiwit miyaraken swiwinipun. kanthi pangenalan iPod alat musik portabel, piranti empuk iTunes, lan iTunes Music Store, perusahaan kasebat ngajengaken gebrakan ing bidang alat-alat éléktronik pribadi lan musik online. Sinambi ngrangsang inovasi, Jobs ugi ngélingaken bawahanipun bilih, "artis tulen membuahkan hasil," (real artists ship) ingkang maksudipun inggih punika, ngasilaken karya-karya kanthi pas ing wekdal ingkang sampun dipuntemtoaken sami pentingipun kaliyan inovasi lan produk jitu.

Jobs nyambut damel ing Apple sapérangan taun kanthi bayar AS$1/taun saéngga piyambakipun kacathet dados "pamimpin perusahaan kanthi bayar paling asor" (Lowest Paid Chief Executive Officer) ing buku Guinness World Records. Sasampunipun Apple wiwit pikantuk untung sesadéan malih, perusahaan kasebat nyopot gelar pamimpin sauntawisipun. Ing wekdal puniki penghasilanipun ing Apple inggih punia AS$219 yuta, miturut setunggaling artikel ingkang dipunserat ing situs Bloomberg taun 2003. [1]

Kathah tiyang rumaos éra,m sangat dhumateng Jobs amargi kaahlianipun damel yakin/pitados tiyang lan dados salesman unggul, panjenenganipun asring pikantuk julukan reality distortion field lan perkawis punika katon nyata ing wekdal panjenengaipun maringi keynote speeches ing Apple expos. Nanging, kegigihanipun ugi naté damel sial. Kaatosan sirahipun mungkin sampun njalari Apple kécalan kesempatan emas kanggé dados pamimpin ing bidang komputer pribadi. Keenganannya kanggé membiarkan perusahaan sanès damel komputer ingkang kompatible kaliyan Macintosh njalari Apple kedah ngalami kekalahan salebeting ngrebat panganggé komputer ingkang wonten. Perusahaan piranti atos lan empuk pungkasanipun mutusaken kanggé ngadhopsi platform IBM PC ingkang ngginaaken sistem operasi damelan Microsoft. Microsoft salajengipun ugi ngoyak ketinggalanipun saking Apple kanthi miyaraken antarmuka pangganggé grafis damelanipun piyambak-piyambak, Microsoft Windows.

Pixar[sunting | sunting sumber]

Taun 1986 Jobs ngedegaken (sesarengan kaliyan Edwin Catmull) Pixar, setunggaling studio animasi komputer ing Emeryville, California. Perusahaan puniki dipundegaken saking menapa ingkang kala rumiyinipun divisi grafik komputer kagunganipun Lucasfilm, ingkang Jobs pundhut saking pandhirinipun, George Lucas, kanthi regi AS$10 yuta. Setunggal dekade salajengipun, Pixar mekar dados misuwur lan suksès kanthi film terobosanipun Toy Story. Wiwit wekdal puniku Pixar sampun ngasilaken film-film ingkang saged menangaken Academy Award inggih punika Finding Nemo lan The Incredibles. Amargi kapamimpinanipun ing Pixar lan ugi kamapananipun ing Apple, Jobs dipunanggep déning kathah pangamat indhustri hiburan salah satunggiling calon panggantos Michael Eisner dados pamimpin saking The Walt Disney Company, ingkang ndhistribusiaken lan paring dana dhumateng film-film damelanipun Pixar.

Gesang Pribadi[sunting | sunting sumber]

Jobs palakrama kaliyan Laurene Powell taun 1991 lan kagungan putra tiga. Panjenenganipun ugi kagungan setunggal putri saking kramanipun ingkang sepindhah.

Tanggal 31 Juli 2004 Jobs operasi ing griya sakit kanggé mbucal tumor ing pankreasipun. Piyambakipun ngidhap sakjenis kanker pankreas ingkang kalebet langka, dipunkenal kanthi sebutan islet cell neuroendocrine tumor, ingkang mboten mbetahaken chemotherapy utawi radiation therapy. Salaminipun panjenenganipun ing mangsa pangobatan, Tim Cook, kepala sales internasional lan operasional ing Apple, nggantosaken tugasipun kanggé sauntawis wekdal.

Cathetan sikil[sunting | sunting sumber]

  1. ^ Steve Jobs: A tribute to the cousin I never met Gulfnews, Diakses tanggal 12 Oktober 2011
  2. ^ Kaluputan sitat (pangutipan) Tag <ref> ora absah; ora ditemokaké tèks kanggo ref mawa jeneng Smithsonian_1995
  3. ^ Kaluputan sitat (pangutipan) Tag <ref> ora absah; ora ditemokaké tèks kanggo ref mawa jeneng Apple_2006
  4. ^ "Putting Pay for Performance to the Test", New York Times, April 8, 2007. 
  5. ^ "Apple again pays Jobs $1 salary", CNET News.com, March 13, 2006. 
  6. ^ "Jobs' salary remained at $1 in 2005", AppleInsider, March 14, 2006. 
  7. ^ "Steve Jobs banks his $1 salary, loses $500m", The Independent, January 8, 2009. diaksès tanggal October 2, 2009. 
  8. ^ "Forbes 400 Richest Americans", Forbes, March, 2011. diaksès tanggal March 10, 2011. 
  9. ^ "The Walt Disney Company and Affiliated Companies – Board of Directors". The Walt Disney Company. http://corporate.disney.go.com/corporate/board_of_directors.html. Retrieved October 2, 2009.
  10. ^ Elkind, Peter. "The trouble with Steve Jobs", Fortune, March 15, 2008. diaksès tanggal July 21, 2008. 

Sumber artikel punika saking kaca situs web: "http://jv.wikipedia.org/w/index.php?title=Steve_Jobs&oldid=813672"