Tim Berners-Lee

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sir Tim Berners-Lee
OM, KBE, FRS, FREng, FRSA

Berners-Lee ing taun 2010
Lair Timothy John Berners-Lee
8 Juni 1955 (umur 59)[1]
London, Inggris[1]
Papan dunung Massachusetts, A.S.[1]
Kabangsan Britania
Alma mater Queen's College, Oxford
Pakaryan Ilmuwan komputer
Employer
Misuwur bab
  • Menemukan World Wide Web
  • Penjabat 3Com Founders Chair ing MIT Computer Science and Artificial Intelligence Laboratory
Judhul Profesor
Agama Universalisme Unitarian
Tiyang sepuh
Website
www.w3.org/People/Berners-Lee/

Sir Timothy John "Tim" Berners-Lee, KBE (TimBL utawi TBL) (miyos ing London, Inggris, 8 Juni 1955) punika panemu World Wide Web lan ketua World Wide Web Consortium, ingkang ngatur pawiyaranipun.

Taun 1980, nalika tasih dados kontraktor bébas ing CERN, Berners-Lee ngajengaken setunggaling proyék ingkang basisipun konsép hiperteks (hypertext) kanggé masilitasi pambagéyan lan pangénggalan informasi ing antawisipun para panliti. Kanthi pambiyantu saking Robert Cailliau, panjenenganipun nyiptaaken sistem prototipe naminipun Enquire.

Sasampunipun ninggalaken CERN kanggé makarya ing John Poole's Image Computer Systems Ltd, panjenenganipun kundur malih taun 1984 dados setunggaling rencang panliti. Panjenengaipun migunaaken gagasan ingkang mèmper kaliyan ingkang sampun panjenenangipun pigunaaken ing Enquire kanggé nyiptaaken World Wide Web, panjenengaipun ndhesain lan mbangun browser sepisanan (naminipun WorldWideWeb lan dipunwiyaraken ing NeXTSTEP) lan server web sepisanan ingkang naminipun httpd.

Situs web sepisanan ingkang dipundamel Berners-Lee (lan awit saking punika ugi arupi situs web sepisanan) alamatipun ing http://info.cern.ch/ (sampun dipunarsipaken) lan dipunlebetaken online sepisananipun tanggal 6 Agustus 1991.

Taun 1994, Berners-Lee ngedegaken World Wide Web Consortium (W3C) ing Massachusetts Institute of Technology.

Dugi sapunika, Berners-Lee tasih tetep andhap asor lan mboten kagungan pepénginan kanggé pikantuk status populér. Kathah ingkang tasih mboten mangertosi kekiyatan karyanipun priantun puniki, World Wide Web.

Salah satunggiling kontribusi paling agengipun salebeting majengaken World Wide Web inggih punika kanthi mboten matènaken saéngga tasih saged dipungiunaaken sacara bébas.

Tanggal 16 Juli 2004 panjenenganipun dipunparingi gelar kinurmatan KBE déning Ratu Elizabeth II kanggé pakurmatan dhumateng jasa-jasanipun.

Pakaryan[sunting | sunting sumber]

  • Spinning the Semantic Web: Bringing the World Wide Web to Its Full Potential Tim Berners-Lee (Foreword), Dieter Fensel (Editor), James Hendler (Editor), Henry Lieberman (Editor), Wolfgang Wahlster (Editor) (The MIT Press, 2005) ISBN 0-262-56212-X
  • Weaving the Web: Origins and Future of the World Wide Web, Tim Berners-Lee (Texere Publishing, 1999) ISBN 0-7528-2090-7

Pranala njawi[sunting | sunting sumber]

Cathetan sikil[sunting | sunting sumber]

  1. ^ a b c "Berners-Lee Longer Biography". World Wide Web Consortium. http://www.w3.org/People/Berners-Lee/Longer.html. Retrieved 18 January 2011.
Sumber artikel punika saking kaca situs web: "http://jv.wikipedia.org/w/index.php?title=Tim_Berners-Lee&oldid=813673"