Saraswati
 |
Artikel punika pinuju ngalami éwah-éwahan ageng ngantos 28 Pebruari 2013 Kanggé nyegah konflik panyuntingan, nyuwun tulung supados boten nyunting artikel punika nalika pesen punika taksih wonten. Kaca punika pungkasan dipunsunting déning Legobot (Kontrib • Log) 92 dinten 234 menit kapungkur. |
|
|
Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia |
Saraswati yaiku salah siji saka telung dewi utama ana ing agama Hindu, dewi kang liyane yaiku Dewi Sri Laksmi lan Dewi Durga. Saraswati yaiku sakti utawa garwane Dewa Brahma. Saraswati iku asale saka tembung sr kang ngemu teges ngalir. Ana sajroning kitab Rgweda V. 75.3, Saraswati uga kasebut Dewi Kali, kajaba Gangga, Yamuna lan liya-liyane. [1]
Bab lan Paragraf |
Ana ing agama Hindu[sunting]
Saraswati yaiku dewi kang dipuja ana ing agama Weda. Asma Saraswati kalebu ana ing Rgweda lan uga ing sastra Purana (kumpulan ajaran lan mitologi Hindu). Saraswati uga dewi ilmu pengetahuan lan seni uga asring kasebut dewi kawicaksanan. [2]
Ana ing aliran Wedanta, Saraswati digambarake dadi kekuatan lan saktine Dewa Brahma. Rikala jaman biyen, Saraswati diyakini dadi panguwasane ilmu pengetahuan lan seni. Para penganut Wedanta yakin, kanthi nguwasani ilmu pengetahuan lan seni, iku dadi salah siji dalan kanggo moksa. [3]
Sajarah[sunting]
Sajarah utawa asal muasale Saraswati digayutake karo Kali Saraswati ana ing Rajastan. Dewi iki kagayutake karo babagan paciptan kayata tirta kang gedhe mumpangate kanggo bibit tetanduran lan tetuwuhan liyane. Dewi Saraswati dipuja nalika bocah-bocah miwiti sinau maca lan nulis. Ana ing India akeh sekolah-sekolah kang muja Saraswati sadurunge miwiti sinau.
[4]
Teges Lambang Saraswati[sunting]
Dewi Saraswati digambarake kanthi dewi kang ayu rupane, duwe tangan papat kang ngasta Genitri, Keropak, Wina, Kembang Teraté, uga ana manuk merak lan banyak, kang kabeh kuwi ngemu teges:[5]
- Wanita tegese ilmu pengetahuan iku nyenengake
- Genitri tegese ilmu iku ora ana pedhote yen disinauni saben jaman
- Keropak tegese pralambang sumber kanggo nyimpen ilmu
- Wina tegese ilmu iku bisa dadi daya seni
- Kembang Teraté tegese ilmu iku suci
- Banyak tegese ilmu iku bisa ngaweh kawicaksanan kanggo sapa wae kang nduweni, kanggo mbedakake endi sing becik lan endi sing nistha.
- Manuk Merak tegese ilmu iku bisa ngaweh kawibawan kangga sapa wae sing duwe.
[5]
Cathetan Sikil[sunting]
- ^ (id)[1](dipunundhuh tanggal 12 Oktober 2012)
- ^ (id)[2](dipunundhuh tanggal 29 Oktober 2012)
- ^ (en)[3](dipunundhuh tanggal 29 Oktober 2012)
- ^ (id) Dharam Vir Singh (Alih Basa Dening I. G. A. Dewi Paramitha, S. S. (2006). Hinduisme Sebuah PengantarISBN: 978-979-722-399-1. Surabaya: Penerbit Paramita.
- ^ a b (id) I Ketut Sukartha, dkk. (2003). Agama Hindu untuk SLTP Kelas 3ISBN: 979-571-020 6 (jilid 1). Denpasar: Penerbit Ganeca Exact.
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
