Santa Agnes

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Santa Agnes
Sigmaringer Hausaltärchen links unten.jpg

Miyos 291
Tilar donya 304
Dipun urmati ing Gréja Katulik Roma, Gréja Ortodoks Wétan, Gréja Anglikan, Gréja Ortodoks Oriental, Gréja Lutheran Injili ing Amérika
Papan ziarah utama Roma
Dinten pèngetan 21 Januari
Atribut cempé
Pangreksa pasangan sing wis tunangan; kaprawanan; Putra-putri Maria; Colegio Capranica ing Roma; asil panen; pasangan sing wis tunangan; tukang kebon; gadis pramuka; bocah-bocah gadis; korban ruda peksa; para kenya; Kauskupan Rockville Centre, New York
Gloriole.svg Portal Santo

Santa Agnes (291304, dipèngeti saben tanggal 21 Januari) iku sawijining santa lan martir kenya saka Gréja Katulik Roma lan Gréja-Gréja Katulik Wétan. Panjenengané uga diakoni déning Gréja Inggris lan Komuni Anglikan sarta déning Ortodoksi Wétan. Panjenengané iku salah siji saka pitu wanita, saliyané Santa Kenya Maria, sing dipèngeti kanthi disebutaké jenengé jroning Kanon Misa. Panjenengané iku Santa Pelindhung kamurnèn, para tukang kebon, bocah-bocah gadis, para pasangan sing wis tunangan, para korban ruda peksa, lan para kenya.

Panjenengané uga ditepungi minangka Santa Agnes saka Roma lan Santa Ines. Tanggal pèngetané yaiku 21 Januari. Sadurungé, panjenengané uga dipèngeti saben tanggal 28 Januari. Tanggal pèngetan Santa Agnes sing keloro iki dibusak jroning réformasi Kalèndher Gréja sawisé Konsili Vatikan II. Minangka pangurmatan marang Santa Agnes, atusan gedhung Gréja dijenengi miturut jenengé, klebu loro gedhung Gréja gedhé sing misuwur lan sawijining Katedral Gréja Anglikan ing Kyoto, Jepang. Jroning seni, panjenengané dilukisaké bebarengan sawijining cempé amarga jenengé duwé kamèmperan uni karo tembung Latin agnus, sing tegesé "cempé." Jeneng "Agnes" sejatiné asalé saka adjektiva feminin jroning Basa Yunani, yaiku hagnē (ἁγνή) sing tegesé "bening, murni, suci." Hrosvit saka Gandersheim nulis sawijining drama ngenani Santa Agnes nalika abad kaping-10.

Delengen uga[sunting | sunting sumber]

Réferènsi[sunting | sunting sumber]

  • Attwater, Donald and Catherine Rachel John. The Penguin Dictionary of Saints. 3rd edition. New York: Penguin Books, 1993. ISBN 0-14-051312-4.
  • Woodeene Koenig-Bricker "Praying with the Saints: Making Their Prayers Your Own" Loyola Press, 2001
  • Michele Rooney "Literary Lives of the Saints"
  • Barbara Calamari and Sandra DiPasqua "Novena: The Power of Prayer" (Penguin Studio, 1999)

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Santa_Agnes&oldid=830065"