Rosalind Franklin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rosalind Franklin

Rosalind Franklin (1920-1958) punika satunggiling èlmuwati ingkang ngawontenaken panlitèn ngenani struktur DNA sesarengan kaliyan Francis Crick, James Watson, lan Maurice Wilkins kanthi difraksi sinar X.

Rosalind Franklin remen sanget kasunyatan. Panjenenganipun menggalih kanthi logis lan pas, lan mboten sabar kaliyan perkawis-perkawis ingkang suwalikipun. Panjenenganipun mutusaken dados èlmuwan nalika yuswa 15. Panjenenganipun lulus ujian mlebet Univèrsitas Cambridge ing taun 1938, lan nyetusaken krisis kulawarga. Senadyan kulawarganipun kacekapan lan kagungan tradhisi jabatan pamaréntahan lan kadhermawanan, ramanipun mboten nyarujuki pendhidhikan perguruan tinggi kagem pawèstri. Panjenenganipun nulak mbayar. Satunggiling bibi tumut nyengkuyung lan nelakaken bilih Franklin kedah pikantuk pendhidhikan, lan panjenenganipun badhé nanggel biayanipun. Ibu Franklin ugi mihak dhumateng Franklin dumugi pungkasanipun ramanipun ngalah.

Perang Donya II pecah ing Eropah ing taun 1939 lan Franklin mapan ing Cambridge. Piyambakipun lulus ing taun 1941 lan wiwit makarya kanthi sangu gelar dhoktoripun. Karyanipun kagungan fokus dhumateng masalah perang: sifat batu bara lan areng kayu sarta kepripun migunaaken sacara èfisièn. Panjenenganipun nerbitaken 5 karya ing mata kuliah puniku sadèrèngipun yuswa 26 taun. Karyanipun tetep dipunkutip sapuniki, lan mbiyantu ngajengaken bidhang serat karbon ingkang kiyat. Ing yuswa 26, Franklin nampi gelar Ph.D. lan perang nembé kémawon rampung. Panjenenganipun wiwit nyambut damel ing difraksi sinar-X -- migunakaken sinar X kanggé damel gambar zat padhat ingkang dipunkristalaken. Panjenenganipun mandhégani panggunaan metodhe puniki salebetipun nganalisis bahan ingkang rumit lan mboten temata kadosta molekul biologis ingkang ageng, lan mboten namung kristal tunggal.

Panjenenganipun nelasaken 3 taun ing Prancis, nglaras swasana pedamelan, kabébasan wekdal tentrem, masakan lan budaya Prancis. Nanging ing taun 1950, piyambakipun sadhar bilih menawi piyambakipun péngin damel karir èlmiyah ing Inggris, piyambakipun kedah kundur malih. Panjenenganipun dipunundang dhateng King's College ing London kanggé nggabung kaliyan klompok èlmuwan ingkang saweg nyinaoni sel gesang. Pamimpin tim nugasaken panjenenganipun kaliyan mahasiswa pascasarjana nyambut damel ing bagéyan DNA. Asumsi Franklin inggih punika bilih puniki arupa proyèkipun piyambak. Salah satunggil laboran, Maurice Wilkins, saweg liburan ing wekdal semanten, lan nalika panjenenganipun kundur malih, hubungan kekalihipun risak. Maurice kagungan asumsi bilih Franklin badhé mbiyantu kerjanipun; Franklin kagungan pendhapat bilih panjenenganipun badhé dados satunggil-satunggilipun tiyang ingkang nliti asam deoksiribonukleat. Kekalihipun kagungan bènten kepribadhian ingkang kiyat ugi: Franklin lugas, cepet, nemtokaken, lan Wilkins clingus, spékulatif, lan pasif. Perkawil puniki badhé mainaken peran ing taun-taun ngajeng perlombaan binuka kanggé nemokaken struktur DNA.

Franklin ndamel kelajengan salebeting tèknik difraksi sinar-X kanthi DNA. Panjenenganipun ngurus alat-alatipun kanggé nyiptakaken sorotan sinar-X ingkang landhep sanget. Panjenenganipun ngèkstraksi serat DNA ingkang saé tinimbang ingkang naté saleresipun lan nyusun dhateng buntelan paralèl. Lan piyambakipun nyinaoni réaksi serat ing kaanan lembab. Sedaya mungelaken panjenenganipun nemokaken kunci wigatos dhumateng struktur DNA. Wilkins nampi datanipun, tanpa sapangertosanipun, ugi James Watson lan Francis Crick, ing Cambridge University. Sekawan èlmuwan wau silih ndhisiki salebeting perlombaan puniku, salajengipun nerbitaken struktur DNA ingkang dipunajoken wulan Maret 1953.

Hubungan ingkang tegang kaliyan Wilkins lan aspèk sanèsipun ing King's College (minangka conto: èlmuwati mboten dipunidinaken dhahar siang ing ruangan umum ing pundi èlmuwan dhahar) njalari Franklin ngupados kalenggahan sanès. Panjenenganipun ngepalai klompok risètipun piyambak ing Birkbeck College London. Nanging kepala King's ngidinaken panjenenganipun wicara teras ing kawontenan ing pundi panjenenganipun mboten saged nyambut damel ing bagéyan DNA. Franklin kundur studi malih ngenani batu bara lan ugi ngrampungaken kerja DNA-ipun. Panjenenganipun ngalihaken kawigatosanipun dhumateng virus, nerbitaken 17 kertas kerja ing wekdal 5 taun. Panemon klompokipun ndèkèkaken dhasar panemon virologi struktural.

salaminipun kunjungan profesional dhateng AS, Franklin rumaos gerah ingkang lajeng dipunmangertosi bilih panjenenganipun nandhang kanker rahim. Panjenenganipun terus makarya dugi 2 taun salajengipun, liwat 3 operasi lan kemoterapi eksperimental lan remisi 10 wulan. Panjenenganipun makarya dumugi sapérangan minggu sadèrèngipun tilar donya ing taun 1958 kanthi yuswa 37.

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Rosalind_Franklin&oldid=821061"