Pompeii

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Daerah Arkeologi Pompeii, Herculaneum dan Torre Annunziata*
Situs Warisan Donya UNESCO

Pompeii forum2007.JPG
Negara Flag of Italia Italia
Tipe Budaya
Kriteria iii, iv, v
Referensi 829
Wilayah Amerika Utara dan Eropa
Sajarah prasasti
Prasasti resmi 1997  (Sèsi ke-21)
* Jeneng resmi jroning Daftar Warisan Donya.
Miturut klasifikasi resmi UNESCO.

Pompeii menika kutha jaman Romawi kuno ingkang sakmenika sampun dados puing caket kutha Napoli. sakmenika Pompeii wonten ing wilayah Campania, Italia. Kutha Pompeii rusak amargi letusan Gunung Vesuvius nalika 79 Masehi [1]. Awu fulkanik saking letusanipun gunung menika nyebabaken kutha menika ical antawisipun 1.600 taun sakdèrèngipun dipunpanggihaken malih kanthi boten sengaja. Sakmenika kitha Pompeii kalebet salah satunggaling Situs Warisan Dunia UNESCO.

Lokasi[sunting | sunting sumber]

Pompeii lan Campania Romawi.

Pompeii menika mapan wonten ing koordinat 40°45′00″N 14°29′10″E / 40.75°N 14.48611°E / 40.75; 14.48611, wonten ing sisih Kidul wetan kutha Napoli caket kaliyan kutha modern Pompeii sakmenika. Kutha menika wonten ing papan ingkang kabentuk saking aliran lava saking sisih lor hilir Lèpèn Sarno (jaman rumiyin anama "Sarnus").

Nalika abad kapisan masèhi, Pompeii namung satunggaling saking kutha-kutha ingkang mapan wonten ing kaki Gunung Vesuvius. Papan menika kathah pendudukipun ingkang dados makmur amargi dhaérah pertanian. Wonten kempalan kutha alit ing sakiwa tengené Pompeii kados herculaneum ingkang rusak ugi awit saking letusan Vesuvius [2].

Sejarah wiwitan[sunting | sunting sumber]

Kutha Pompeii menika jumeneng kirang langkung abad kaping 6 SM déning tiyang Osci utawi Oscan [1], inggih menika sawijining kelompok masarakat ing Italia tengah. Kala menika, kutha menika sampun kaginakaken kanggé pelabuhan ingkang aman déning para pelaut Yunani lan Fenisia. Nalika tiyang Etruska ngancam badhé nyerang, kutha Pompeii damel sekutu kaliyan tiyang Yunani ingkang lajeng nguasai Teluk Napoli. Ing abad kaping 5 SM, tiyang Samnium lenggah ing mriku kaliyan sedaya kutha ing Campania. para panguwasa énggal kasebut meksa para arsitèktur kanggé miyaraken wilayah kutha. DIpunyakini ugi bilih nalika pendudukan tiyan Samnium, Roma nate ngrebut malih Pompeii kanggé sawetawis, ananging teori menika dèrèng kebukti.

Pompeii ndhèrèk mendhet peran ing perdagangan kawiwitan déning kutha-kutha Campania nglawan Roma, ananging ing taun 89 SM, kutha menika dipunkepung déning Sulla. Tentara Liga Sosial kapimpin déning Lucius Cluentius ndhèrèk paring pambiyantu anggènipun nglawan Rona, ananging taun 80 SM Pompeii dipunpeksa nyerah sasampunipun Nola takluk. Lajeng Pompeii dados koloni Roma kanthi nama Colonia Cornelia veneria Pompeianorum. Kutha menika dados jalur wigati kagem barang-barang ing dugi liwat arus lan kedah dipunkirim dhateng Roma utawi Italia kidul ingkang mapan ing sepanjang Via Appia ingkang boten tebih saking mriku.

Wonten ing taun 62 SM, wonten gempa bumi ingkang ngrisak Pompeii sareng kutha sanèsipun ing Campania. Ing masa antawisipun taun 62 Sm dumugi letusan ageng Gunung Vesuvius taun 79 SM kutha menika dipunbangun malih [1].

Vesuvius ngubur kutha Pompeii[sunting | sunting sumber]

Para penduduk Pompeii, kados ingkang gesang wonten ing dhaerah kasebut samenika sampun biasa kaliyan getaran-getaran alit. Ananging nalika 5 Februari 62 [3] kedadosan gempa bumi ageng ingkang damel rusak ing sekitar teluk mliginipun ing Pompeii. Sebagéyan saking krusakan menika tasih dèrèng saged dipundandani nalika gunung kasebut njedhot [4]. Ananging menika mungkin kalebet gempa tektonik tinimbang gempa awit saking magma ingkang wonten ing gunung berapi.

Pranala Njawi[sunting | sunting sumber]

Cathetan suku[sunting | sunting sumber]

  1. ^ a b c [1], 10 Kota besar yang lenyap dari peradaban (dipun-akses tanggal 27 Desember 2012).
  2. ^ [2], (id) http://www.anneahira.com Peradaban dunia (dipun-akses tanggal 27 Desember 2012).
Sumber artikel punika saking kaca situs web: "http://jv.wikipedia.org/w/index.php?title=Pompeii&oldid=885005"