Pamilihan Umum ing Indonésia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Pamilihan umum (pemilu) ing Indonesia wiwitané ditujokaké kanggo milih anggota lembaga perwakilan, yaiku DPR, DPRD Provinsi, lan DPRD Kabupatèn/Kutha. Sawisé amandemen kapapat UUD 1945 ing taun 2002, pamilihan presidhèn lan wakil presidhèn (pilpres), sing mauné diayahi déning MPR, disepakati diayahi langsung déning rakyat saéngga pilpres dilebokaké jroning rezim pemilu. Pilpres minangka bagéyan saka pemilu dianakaké sepisanan ing Pemilu 2004. Ing Pemilu taun 2007, miturut Undang-Undang Nomor 22 Taun 2007, pamilihan kepala dhaérah lan wakil kepala dhaérah (pilkada) uga dilebokaké minangka bagéyan saka rezim pemilu. Ing tengah masarakat, istilah "pemilu" luwih kerep ngarujuk marang pemilu legislatif lan pemilu presidhèn lan wakil presidhèn sing dianakaké saben 5 taun sepisan.

Pemilihan Umum Legislatif[sunting | sunting sumber]

Sadawaning sajarah Indonesia, wis kaping 9 pemilu legislatif, yaiku ing taun 1955, 1971, 1977, 1982, 1987, 1992, 1997, 1999, lan 2004.

Pemilu 1955[sunting | sunting sumber]

Pemilu pisanan dianakaké taun 1955 kanggo milih anggota-anggota DPR lan Konstituante. Pemilu iki kerep disebut kanthi jeneng Pemilu 1955, lan disiapaké ding pamaréntahan Perdhana Mentri Ali Sastroamidjojo. Nanging, Ali Sastroamidjojo mundur lan wektu pamungutan swara, kepala pamaréntahan wis dicekel déning Perdhana Menteri Burhanuddin Harahap.

Miturut angkahé, Pemilu 1955 dipérang dadi rong babak, yaiku:

  • Babak pisanan Pemilu kanggo milih anggota DPR. Babak iki diayahi tanggal 29 September 1955, lan diiloni déning 29 partai pulitik lan individu,
  • Babak kaloro Pemilu kanggo milih anggota Konstituante. Babak iki diayahi tanggal 15 Desember 1955.

Limang partai gedhé ing Pemilu iki yakuwi Partai Nasional Indonesia, Masyumi, Nahdlatul Ulama, Partai Komunis Indonesia, lan Partai Syarikat Islam Indonesia.

Pemilu 1971[sunting | sunting sumber]

Pemilu sabanjuré dianakaké taun 1971, persisé tanggal 5 Juli 1971. Pemilu iki Pemilu pisanan ing jaman orde baru, lan diiloni déning 10 partai pulitik.

Limang partai gedhé jroning Pemilu iki yakuwi Golongan Karya, Nahdlatul Ulama, Parmusi, Partai Nasional Indonesia, lan Partai Syarikat Islam Indonesia.

Ing taun 1975, liwat anané Undang-Undang Nomor 3 Taun 1975 bab Partai Pulitik lan Golkar, dianakaké fusi (panggabungan) partai-partai pulitik, dadi mung loro partai pulitik (yaiku Partai Persatuan Pembangunan lan Partai Demokrasi Indonesia) lan siji Golongan Karya.

Pemilu Orde Baru (1977-1997)[sunting | sunting sumber]

Pemilu-Pemilu sabanjuré dianakaké taun 1977, 1982, 1987, 1992, lan 1997. Pemilu-Pemilu iki dianakaké sangisoré pamaréntahan Presidhèn Soeharto. Pemilu-Pemilu iki kerep diarani "Pemilu Orde Baru'". Miturut peraturan Fusi Partai Pulitik taun 1975, Pemilu-Pemilu kasebut mung diiloni loro partai pulitik lan siji Golongan Karya. Pemilu-Pemilu kasebut kabèh dimenangaké déning Golongan Karya.

Ing ngisor iki tanggal-tanggal dianakaké pamungutan swara ing Pemilu periode iki.

Pemilu 1999[sunting | sunting sumber]

Pemilu sabanjuré, sekaligus Pemilu pisanan sawisé orde baru runtuh, yaiku Pemilu 1999 dianakaké taun 1999 (tanggal 7 Juni 1999) ing sangisoré pamaréntahan Presidhèn BJ Habibie lan diiloni déning 48 partai pulitik.

Limang partai gedhé jroning Pemilu 1999 yakuwi Partai Demokrasi Indonesia Perjuangan, Partai Golkar, Partai Persatuan Pembangunan, Partai Kebangkitan Bangsa, lan Partai Amanat Nasional.

Senadyan Partai Demokrasi Indonesia Perjuangan nggayuh swara paling akèh (kanthi swara watara 35 persèn), sing diangkat dadi presidhèn dudu calon saka partai iku, yaiku Megawati Soekarnoputri, nanging saka Partai Kebangkitan Bangsa, yaiku Abdurrahman Wahid (Wektu kuwi, Megawati mung dadi calon Presidhèn). Bab iki bisa kadadéyan amarga Pemilu 1999 mung kanggo milih anggota MPR, DPR, lan DPRD, déné pamilihan Presidhèn lan wakil Presidhèn diayahi déning anggota MPR.

Pemilu 2004[sunting | sunting sumber]

Ing Pemilu Legislatif 2004, saliyané milih anggota DPR, DPRD Provinsi, lan DPRD Kabupatèn/Kutha, rakyat uga bisa milih anggota DPD, sawijining lembaga perwakilan anyar sing diangkah bakal makili kapentingan dhaérah.

Pemilu 2009[sunting | sunting sumber]

Pamilihan Umum Legislatif Indonesia 2009 (Pemilu Legislatif 2009) kuwi rangkaian saka Pemilu 2009, lan dijadwalaké ing tanggal 9 April 2009 (sadurungé dijadwalaké tanggal 5 April, nanging banjur diundur)[1] Pemilu Legislatif 2009 bakal milih anggota DPR, DPD, DPRD Provinsi, lan DPRD Kabupatèn/Kutha kanggo mangsa jabatan 2009-2014.

Pamilihan Umum Presidhèn lan Wakil Presidhèn[sunting | sunting sumber]

Pamilihan umum presidhèn lan wakil presidhèn (pilpres) pisanan dianakaké ing Pemilu 2004.

Pemilu 2004[sunting | sunting sumber]

Pemilu 2004 minangka pemilu pisanan peserta bisa milih langsung presidhèn lan wakil presidhèn. Pamenang pilpres 2004 yakuwi Susilo Bambang Yudhoyono. Pilpres iki dianakaké jroning rong puteran, amarga ora ana pasangan calon sing kasil bgéntukaké swara luwih saka 50%. Puteran kaloro milih presidhèn antara Yudhoyono lan Megawati lan sidané dimenangaké déning pasangan Yudhoyono - M. Jusuf Kalla.

Suksèsi kakuwasan lumaku kanthi mulus lan dadi sajarah tumrap Indonesia sing durung naté ngalami genti kakuwasan tanpa huru-hara. Siji-sijiné cacat ing pagentèn kakuwasan iki yakuwi ora rawuhé Megawati ing upacara pelantikan Yudhoyono minangka presidhèn.

Pemilu 2009[sunting | sunting sumber]

Pemilihan Umum Kepala Daerah lan Wakil Kepala Daerah[sunting | sunting sumber]

Pamilihan umum kepala dhaérah lan wakil kepala dhaérah (pilkada) dadi bagéyan saka rezim pemilu wiwit taun 2007. Pilkada pisanan ing Indonesia yakuwi Pilkada Kabupatèn Kabupatèn Kutai Kartanegara ing tanggal 1 Juni 2005.

Cathetan sikil[sunting | sunting sumber]

  1. ^ "Ini Dia Jadwal Baru Pemilu 2009", Detikcom, 3 Juli 2008. diaksès tanggal 3 Juli. 

Delengen uga[sunting | sunting sumber]

Pranala jaba[sunting | sunting sumber]