Nuri-raja Ambon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Nuri-raja Ambon
Di Brevard Zoo, Florida, Amerika Serikat
Status konsèrvasi
Klasifikasi èlmiah
krajan: Animalia
filum: Chordata
kelas: Aves
ordo: Psittaciformes
Superkulawarga: Psittacoidae
kulawarga: Psittaculidae
Subkulawarga: Psittaculinae
Suku: Polytelini
Genus: Alisterus
Species: A. amboinensis
Jeneng binomial
Alisterus amboinensis
(Linnaeus, 1766)

Manuk Nuri Raja Ambon (Alisterus amboinensis) pantes dadi manuk khas Maluku. Manuk Nuri Raja Ambon kerep disebut Nuri Raja baé. Kéwan iki sajroné basa Inggris dikenal minangka jeneng moluccan King-prrot, Ambon King Parrot, utawa Ambonia King Parrot. Wondéné ing sajroné basa latin manuk endemik maluku iki disebut Alisterus amboinensis. Nuri raja utawa Ambonia King Parrot (Alisterus amboinensis) arupa siji saka 3 anggota King Parrot (Genus: Alisterus) sakliyané Nuri Raja Papua utawa Papua King Parrot (Alisterus chloropterus) lan Nuri Raja Australia utawa Austrlian King Parrot (Alisterus scapularis).[2]

Dèskripsi[sunting | sunting sumber]

Penampilan manuk Nuri raja ambon pancèn khas. Sakliyané kaya jenis manuk Nuri liyané kang duwèni cucuk bengkok, manuk kang duwèni dawa awaké kia-kira 35cm iki nduwèni wulu kang apik lan jelas kanti gabungan warna abang, ijo, lan biru. Wulu kang ana ing endas lan dada manuk Nuri raja ambon (Alisterus amboinensis) wernané abang. Swiwiné wernané ijo utawa biru enom, utawa biru tuwa. Manuk endemik kang ditetepaké minangka maskot provinsi Maluku ditambah karo Anggrèk Larat minangka flora identitas provinsiné. Manuk iki urip sacara berpasangan utawa sacara kelompok cilik kanti suwara ocèhan kang rodok ricuh. Manuk Nuri raja ambon mangané woh-wohan, madu, lan pucuké wit-witan. Manuk iki manggon ana ing bolongan-bolongan kang ana ing wit. Kawiné manuk iki biasané ing wulan februari lan wulan Méret.[2]

Populasi[sunting | sunting sumber]

Manuk nuri raja ambon (Alisterus amboinensis) arupa kèwan èndemik kang urip ing pulo Ambon, Seram lan wilayah maluku Tengah liyané sarta wilayah Maluku Utara kayata pulo Halmahera. Manuk nuri raja ambon manggon ing alas-alas daratan rendah lan kebon-kebon nganti keduwuran 1.400 mèter ing duwuré permukaan segara. Populasi Manuk kang duwèni wulu apik lan jelas iki ing alamé, diperkirakaké sekitar 70.000 iji (IUCN Redlist: 1997). lan andhedhasar jumlah populasi kasebut déning IUCN Redlist lan BirdLife International manuk kang dikenal minangka jeneng Amboina King Parrot iki dikategorikaké sajroné status konservasi Least Concern (resiko endèk) awit taun 1988, senajan ing pèriode 1994-2000 statusé pernah dimunggahaké dadi Near Threatened (mèh terancam). Wondene CITES ndaftar sajroné apendiks 2.[2]

Anceman utama kanggoné populasi manuk maskot Maluku iki yaiku muduné habitat amerga selot ciyuté amba alas lan rusaké alas. sakliyané iku uga diakibataké déning manungsa kang mbedak lan didol.[2]

Cathetan Sikil[sunting | sunting sumber]

  1. ^ BirdLife International (2008). Alisterus amboinensis. Dhaptar Abang Spesies Terancam IUCN 2008. IUCN 2008. Diakses ing 18 June 2009.
  2. ^ a b c d [1], (Kaunduh 26/10/12).
Sumber artikel punika saking kaca situs web: "http://jv.wikipedia.org/w/index.php?title=Nuri-raja_Ambon&oldid=835060"