Musée Picasso

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Musée Picasso yaiku salah sawijining galeri seni sing ana ing Hôtel Salé ing Marais, salah sawijing distrik ing Kutha Paris. Museum iki didedikasèkaké kanggo seniman Pablo Picasso sing urip saka taun 1881 nganti 1973.

Picasso Museum, Paris, (Hotel Salé, 1659)
Picasso Museum, Paris, sing isih ramé ditekani wisatawan

Bangunan Museum[sunting | sunting sumber]

Museum koleksi iki dibangun antarané taun 1656 lan 1659 kanggo Pierre Aubert, bangsawan de Fontenay. Pierre Aubert kuwi salah sawijing petani sing sugih amarga dadi petugas sing entuk kewajiban ngumpulaké pajek uyah. Arsitek bangunan iki yaiku Jean Boullier saka Bourges, uga dikenal Boullier de Bourges. [1] Bangunan iki dianggep minangka salah sawijining omah-omah bersejarah sing paling apik ing Marais.

Omah iki pindhah kepemilikané ana ing macem-macem wong amarga didol utawa diwarisaké. Sing mapan ana ing omah kuwi tahun 1671 wis kalebu bagian Kedutaan Besar Republik Venice, banjur François de Neufville, duc de Villeroi tau dadi wong kang duwèni. Nalika Revolusi Perancis, tahun 1815 tau dadi sekolah kususé sekolah seni. Taun 1964 pamaréntah Kutha Paris ngakuisisi lan diwènèhi status monumen sajarah ing taun 1968.

Hotel Salé dipilih kanggo Picasso Musée sawisé ana perdebatan kontroversial sacara sipil lan nasional. Ana salah sawijining kompetisi sing dianakaké kanggo nemtokaké sapa sing bakal ndesain fasilitas ing jero museum iki. Usulan saka Roland Simounet sing dipilih taun 1976 saka papat finalis. Finalis liyané yaiku Roland Castro, GAU (Groupement pour l'Architecture et l'Urbanisme), Jean Monge, lan Carlo Scarpa. Mayoritas, interior omah (sing wis ngalami modifikasi akèh) wis dibalèkaké ana ing kaanan sing pada asliné. [1]

Ngumpulaké Koleksi[sunting | sunting sumber]

Taun 1968, Perancis nyiptakaké hukum sing nggawé ahli waris diidinaké kanggo mbayar pajak warisan nganggo karya seni dudu nganggo duit. Ing Perancis seni dianggep duwe kontribusi penting bab warisan budaya Perancis. Kahanan kaya ngéné diarani dation, lan kuwi diolèhaké kanggo kahanan sing luar biasa. Dominique Bozo, salah sawijining kurator museum nasional, milih karya-karya sing dadi dationne Picasso. Pamilihan iki ditinjau karo Jean Leymarie lan diratifikasi taun 1979. Isiné dation iki yaiku karyané Picasso ing sakabèhing tèknik lukisan lan kabèh periode, sarta kususé sing langka ing pengumpulané lan sing apik kalebu patung. Sawisé Jacqueline Picasso mati taun 1986, putriné nawakaké kanggo mbayar pajak warisan supaya entuk dation sing anyar. Koleksiné uga wis diakuisisi karo sapérangan karya lumantar dol tinuku lan hadiah.

Andha bagian Hall (escalier d'honneur) ing Hôtel Salé

Picasso Musee tau kandha yèn Aku iki kolektor paling gedhe ing donya. Picasso Musee wis ngumpulaké kolèksi gedhè karyané déwé nganti matiné taun 1973, wiwit saka skétsa nganti karya sing wutuh. Picasso Musée duwé isi luwih saka 3.000 karya seni sing beda-beda sing diduweni Pablo Picasso kalebu gambar, keramik, patung kayu, logam, lan lukisan. Ing Picasso Musee uga ana koleksi seni pribadi Picasso lan karya-karya seniman liyané, kalebu Cézanne, Degas, Rousseau, Seurat, de Chirico lan Matisse. Ana manèh karya saka perunggu Iberia lan koleksi seni Afrika, sing ndadèkaké Picasso duwe kesan sing luwih banget. Salah sawijining aspèk sing paling duwé kesan saka museum iki yaiku Picasso Musee duwé akèh karya Picasso sing misuwur sing dipameraké sawisé ulang taun kaping pitung puluhé.

Presentasi Karya[sunting | sunting sumber]

Museum iki uga wis nglakokaké usaha kanggo mènèhi informasi sing komplit. Tuladhané, karya kartunis sing ngécé utawa karikatur karyané Picasso sing ditampilaké saka taun 1950. Lanté siji ana kamar-kamar sing ngamot presentasi tématik, nanging museum iki ngurutaké nganggo alur kronologis, nuduhaké lukisan, gambar, patung, lan cétakan. Ana bentuk prèsentasi liyané ing layar nyakup foto, manuskrip, kliping koran, lan foto-foto kanggo mènèhi informasi kontekstual tambahan. Lanté loro museum iki duwé area kusus sing disisihaké kanggo paméran sing sifaté sawetara lan ana cétakan liyané. Lanté telu isiné perpustakaan, dokumentasi, lan arsip departemen (sing dicadangaké kanggo penelitian), lan kantor kurator.

Referensi[sunting | sunting sumber]

Pranala Njaba[sunting | sunting sumber]

Cithakan:Établissement public à caractère administratif Cithakan:Pablo Picasso

Sumber artikel punika saking kaca situs web: "http://jv.wikipedia.org/w/index.php?title=Musée_Picasso&oldid=865252"