Mohenjo-daro

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Reruntuhan arkeologis Moenjodaro*
Situs Warisan Donya UNESCO

Mohenjo-daro
Negara Flag of Pakistan Pakistan
Tipe Kultural
Kriteria ii, iii
Referensi 138
Wilayah Asia-Pasifik
Sajarah prasasti
Prasasti resmi 1980  (Sèsi Ka-4)
* Jeneng resmi jroning Daftar Warisan Donya.
Miturut klasifikasi resmi UNESCO.

Mohenjo-daro (Basa Urdu: موئن جودڑو, basa Sindhi : موئن جو دڙو, Basa Hindi : मोहन जोदड़ो) iku salah siji situs sisa-sisa pamukiman paling gedhé saka kabudayan Lembah Kali Indhus, sing dumunung ing propinsi Sind, Pakistan. Dibangun watara taun 2600 SM, kutha iki arupa salah siji pamukiman kutha pisanan ing donya, bebarengan karo peradaban Mesir Kuna, Mesopotamia lan Yunani Kuna. Reruntuhan sajarah iki dilebokaké déning UNESCO dadi Situs Warisan Donya. Makna saka tembung Mohenjo-daro yakuwi "Bukit wong mati". Kerep kutha tuwa iki disebut "Metropolis Kuna ing Lembah Indhus"[1].

Panemuan manèh lan penggalian[sunting | sunting sumber]

Mohenjo-daro dibangun watara taun 2600 SM, nanging dikothongaké watara taun 1500 SM. Ing taun 1922, kutha ini ditemokaké manèh déning Rakhaldas Bandyopadhyay[2] saka Archaeological Survey of India. Dhèwèké digawa menyang sawijining gundhukan déning saiji biksu Budha sing percaya yèn gundhukan kasebut sawijining stupa. Ing taun 1930-an, penggalian gedhèn dianakaké ing sangisoré kapemimpinan John Marshall, K. N. Dikshit, Ernest Mackay, lan liya-liyané.[3] Montor John Marshall sing dipigunakaké déning para direktur situs isih ana ing museum Mohenjo-daro minangka tandha mèngeti perjuangan lan dhèdhikasi wong-wong iku marang Mohenjo-daro. Penggalian sabanjuré diayahi déning Ahmad Hasan Dani lan Mortimer Wheeler ing taun 1945.

Penggalian gedhé pungkasan ing Mohenjo-daro dipimpin déning Dr. G. F. Dales ing taun 1964-65. Sawisé iku, kerja penggalian ing situ dilarang amarga karusakan sing dialami déning struktur-struktur sing rentan akibat kondhisi cuaca. Wiwit taun 1965, mung proyèk penggalian penyelamatan, pengawasan permukaan, lan konservasi sing olèh ing kono. Senadyan proyèk arkeologi gedhé dilarang, nanging ing 1980-an, tim-tim peninjau saka Jerman lan Italia sing dipimpin déning Dr. Michael Jansen lan Dr. Maurizio Tosi, nggabungaké tèknik-tèknik kaya dokumentasi arsitektur, tinjauan permukaan, lan penyelidikan permukaan, kanggo nemtokaké bayangan selanjutnya ngenani peradaban kuna kasebut.[4]

Lokasi[sunting | sunting sumber]

Mohenjo-daro dumunung ing Sindh, Pakistan ing sawijining bubungan zaman Pleistosen ing tengah-tengah dhataran banjir Kali Sindhu. Bubungan kasebut saiki wis kakubur déning banjir, nanging wigati banget ing zaman Peradaban Lembah Indhus. Bubungan kasebut andadèkaké kutha Mohenjo-daro madeg ing sadhuwuring dhataran saubengé. Situs kasebut dumunung ing tengah-tengah jurang ing antara lembah Kali Sindhu ing kulon lan Ghaggar-Hakra ing wétan. Kali Sindhu isih mili menyang wétané situs iku, nanging dhasar kali Ghaggar-Haskra saiki wis garing.[5]

Pembangunan antropogenik mataun-taun dicepetaké déning kabutuhan njembaraké panggonan. Bubungan kasebut dijembaraké liwat platform bata lumpur raseksa. Pungkasané, panempatan kasebut begitu gedhé saéngga ana bangunan sing nganti 12 meter ing sadhuwuring permukaan dhataran mangsa saiki.[6]

Kapentingan[sunting | sunting sumber]

Ing zaman biyèn, Mohenjo-daro minangka salah siji pusat administratif Peradaban Lembah Indhus kuna.[7] Ing puncak kejayaané, Mohenjo-daro iku kutha sing paling kabangun lan maju ing Asia Kidul, lan manawa uga ing donya. Perencanaan lan tekniké nuduhaké kapentingan kutha iki marang masarakat lembah Indhus.[8]

Peradaban Lembah Indhus (c. 3300-1700 SM, f. 2600-1900 SM) iku sawijining peradaban kali kuna sing tuwuh ing lembah kali Indhus ing India Kuna (saiki ing Pakistan lan India Lor-kulon). Peradaban iki uga dikenal minangka "Peradaban Harappa."

Kebudayaan Indhus tuwuh maabad-abad suwéné, banjur ngalami kebangkitan watara taun 3000 SM. Peradaban kasebut njangkau wilayah sing saiki didhudhuki negara Pakistan lan India Lor, nanging banjur ngalami kamerosotan watara taun 1900 SM. Pemukiman Peradaban Indhus kasebar nganti pesisir Laut Arab ing Gujarat ing kidul, perbatasan Iran ing kulon, kanthi kutha tapel-wates ing Bactria. Ing antara permukiman-permukiman iku, pusat kutha utama dumunung ing Harappa lan Mohenjo-daro, lan uga Lothal.

Puing-puing Mohenjo-daro minangka salah siji pusat utama jroning masyarakat kuna iki. Sawetara arkeolog nduwèni panemu yèn Peradaban Indhus nggayuh gunggung limang yuta pedunung ing puncaké.

Wektu iki, luwih saka sèwu kutha lan permukiman wis ditemokaké, utamané ing lembah Kali Sindhu ing Pakistan lan India lor-kulon.

Deleng uga[sunting | sunting sumber]

Rujukan[sunting | sunting sumber]

  1. ^ Mohenjo-Daro An Ancient Indus Valley Metropolis
  2. ^ Ancientindia.co.uk
  3. ^ "Mohenjo-Daro: An Ancient Indhus Valley Metropolis". http://www.mohenjodaro.net/mohenjodaroessay.html. Retrieved 2008-05-19.
  4. ^ "Mohenjo-Daro: An Ancient Indhus Valley Metropolis". http://www.mohenjodaro.net/mohenjodaroessay.html. Retrieved 2008-05-19.
  5. ^ "Mohenjo-Daro". http://www.mohenjodaro.net/ancientmetropolis.html.
  6. ^ "Mohenjo-Daro". http://www.mohenjodaro.net/ancientmetropolis.html.
  7. ^ Beck, Roger B.; Linda Black, Larry S. Krieger, Phillip C. Naylor, Dahia Ibo Shabaka, (1999). World History: Patterns of Interaction. Evanston, IL: McDougal Littell. ISBN 0-395-87274-X.
  8. ^ A H Dani (1992), Critical Assessment of Recent Evidence on Mohenjodaro, Second International Symposium on Mohenjodaro, 24–27 Februari.

Pranala jaba[sunting | sunting sumber]

Commons-logo.svg
Wikimedia Commons gadhah galeri bab:

Wikivoyage   Pirsani pandhuan wisata Mohenjo-daro ing Wikivoyage

Sumber artikel punika saking kaca situs web: "http://jv.wikipedia.org/w/index.php?title=Mohenjo-daro&oldid=827256"