Louis XVII saka Perancis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Louis XVII
Raja Prancis lan Navarre
Louis nalika tahun 1792, dilukis déning Alexander Kucharsky
Pamaréntahan 21 Januari 1793 – 8 Juni 1795 (klaim)
Didhisiki Louis XVI saka Prancis
Pangganti Napoleon I de facto tahun 1804
Louis XVIII de jure taun 1814
Asma jangkep
Louis Charles de France
Bapa Louis XVI saka Prancis
Ibu Marie Antoinette
Miyos 27 Maret 1785
Istana Versailles, Prancis
Tilar donya 8 Juni 1795 (umur 10)
Paris Temple

Louis XVII (1785-1795) yaiku anak kapindo saka Louis XVI lan Marie Antoinette, lan dikenal minangka jeneng "dauphin ilang" amerga kabar babagan uripé nyebar amba sakwisé Révolusi.[1]

Nalika Révolusi Prancis, Pangéran Louis dikunjarakaké bebarengan karo wong tuwané.[2] Minangka anak barep kang isih urip, dhèwèké diangkat minangka Raja Prancis nalika 28 Januari 1793 déning pakliké yaiku Louis-Stanislas-Xavier, kang déwéan sajroné pengasingan ing Hamm, cepaké Dortmund, Jerman.[2] Pratélan kasebut ora duwéni kekuasaan amerga Prancis wektu iku arupa salah sijiné republik.[2] Ananging wektu Prancis lan Éropa nampa Louis-Stanislas-Xavier minangka Louis XVIII saka Prancis nalika tahun 1815, pawèwèhan angkané nuduhaké diakuiné hak-hak Louis XVII.[2]

Nalika kulawarga kerajaan dikunjara, Louis XVII dipisahaké saka ibuné lan lan sedulur-seduluré tahun 1793 kanggo ngindari upaya pambébasan kang dilakokaké pendhukung kerajaan.[2] Dhèwèké mati nalika Juni 1795 ing kunjara.[2] Sacara resmi dhèwèké dilaporaké mati akibat penyakit kang saiki dikenal minangka tuberkulosa.[2] Jumbuh karo tradisi kerajaan, jantungé ditokaké déning dokter lan diawètaké sajroné alkohol.[2] Awaké dikubur sajroné pasaréan umum.[2]

Sakwisé matiné Louis XVII akèh wong kang ngaku minangka Louis Charles ananging ora ana kang pernah isa dibuktèkaké.[2] Nalika tahun 2000 dianakaké tès DNA kanti gunakaké jantung Louis, conto rambut saka Marie Antoinette, adiné Johanna Maria Gabriela lan Maria Josepha, ibuné Maria Theresa, lan DNA saka 2 keturunan kang isih urip Maria Theresa, Ratu Anne saka Rumania lan adiné, Pangéran André de Bourbon Parme.[2] Tès DNA kang dilakokaké yaiku yén DNA mitokondria lan hasilé mbuktèkaké yèn jantung iku bener-bener duwén Louis XVII.[2]

Jantung Louis saiki mapan ana ing salah sijiné guci pérak ing Saint-Denis Baslique cepaké Paris, ing ngendi para Raja Prancis dikubur, kalebu wong tuwané Louis XVII, Raja Louis XVI lan Marie Antoinette.[2]

Misteri Matiné Louis XVII[sunting | sunting sumber]

Sakwéné pirang-pirang tahun akèh laporan lan teori babagan Raja Louis XVII (Pangéran Louis-Charles), bocah enom saka Raja Louis XVI lan Ratu Marie Antoinette saka Prancis.[3] Jantung kang entes waé ditès diyakini déning pira-pira pawongan yèn iku duwéné raja enom Louis XVII, kang DNA-né wis diuji lan saiki akèh kang percaya yèn Louis mati ing kunjara.[2] Ananging awak kang dianggep minangka Louis mau luwih tuwa lan luwih duwur katimbang Louis kang sebeneré.[2]

Sebagiyan wong ana sing percaya yèn Louis sakwéné ana ing kunjara digantèni déning pawongan liya lan jantung kang ditès DNA-né iku duwéné seduluré yaiku Pangéran Louis-Joseph (1781-1789) kang mati nalika isih bocah lan umuré nembé 7 tahun.[2]

Louis Palsu[sunting | sunting sumber]

Karl Wilhelm Naundorff[sunting | sunting sumber]

Yaiku pawongan tukang gawé jam lan arloji saka Jerman kang nganti matiné kekeh ngaku minangka Pangéran Louis-Charles (Louis XVII).[4] Naundorff yaiku salah siji saka 30 wong kang ngaku miangka Louis XVII.[4]

Pangéran Louis-Charles, anak saka Louis XVI lan Marie Antoinette saka Prancis, dikunjara sakwéné Rèvolusi Prancis lan diyakini wis mati ing kunjara.[4] Ananging, ana pira-pira kabar simpatisan monarki duwéni semangat yèn Dauphin enom ora ana ing kunjara, ateges dhèwèké ana ing salah sijiné papan panggonan kang dirahasiakaké.[4]

Naundorff ngaku-ngaku yèn dhèwèké yaiku Pangéran lan nganggep mayité digantikaké déning mayit bocah enom kang budheg uga bisu, uga yèn dhèwèké wis diumpetaké ing salah sijiné papan panggoan kang rahasia yaiku Menara Kuil nganti dhèwèké isa mlayu saka panggonan iku.[4][5] Naundorff uga ngaku-ngaku yèn dhèwèké banjur direbut manèh déning pasukan Napoleon lan disimpen ing pira-pira dungeons ing sekabèhané Eropa, nganti akhiré mlayu nalika pertengahan umur 20an.[4]

Ucul saka kasunyatan yèn Naundorff ora isa ngomong Basa Prancis kanti apik, dhèwèké kasil ngeyakinaké mantan anggota pengadilan Louis XVI yèn dhèwèké yaiku Dauphin.[4] Naundorff kayané ngerti sekabèhané babagan kang ngenani pribadhiné saka pengadilan kerajaan.[4] Ananging Putri Marie-Thérèse, adhiné Pangéran Louis, ora ngakoni Naundorff.[4] Dhèwèké pernah ndeleng foto-foto wong kang ngapusi iki, lan Putri Marie ngrasa yèn tukang apus iki ora ana padhané karo adhiné lan nolak kanggo ndeleng Naundorff.[4] Senajan dhèwèké pernah ndeleng wong kang ngaku-ngaku liyané, kang ora diwakili déning mantan anggota pengadilan kerajaan.[4]

Nalika 1836, Naundorff nggugat Marie Thérèse kanggo prabotan kang diduga duwéné.[4] Kosok waliké, kepolisian Raja Louis-Philippe malah nyekel dhèwèké, njaluk sekabèhané dokumèné lan deportasi marang Inggris.[4] Naundorff mati nalika tahun 1845, ing Delft, Belanda.[4]

Leazar Williams[sunting | sunting sumber]

Wililiam lair nalika tahun 1787, dhèwèké digedhèkaké ing Indian Mohawk lan sekolah ana ing sekolah Misionaris.[6] Sakwisé sekolah ana kono William diangkat dadi misionaris Protestan.[6] Kanti kepinterané dhèwèké isa ditampa déning masarakat Indian nalika awal abad kaping 19.[6] Nalika tanggal 3 Maret 1823, Wiliams nikahi bocah wadon Prancis kang umuré lagi 14 tahun yaiku Madeline Marie Jordan.[6]

Nalika jaman enomé William nggolèk cara supaya bisa dadi Kaisar, banjur William ngaku-ngaku yèn dhèwèké yaiku salah sijiné anak saka Louis XVI lan Marie Antoinette kang ilang.[6] Senajan kanca-kancané nganggep iki pinemu williams kang salah ananging pira-pira bangsawan Eropa percaya yèn William minangka pewaris kerajaan Prancis.[6] William mati nalika tahun 1858.[6]

Cathetan Sikil[sunting | sunting sumber]

  1. ^ (en)Louis_XVII_Dauphin, (Kaundhuh 26/3/2013).
  2. ^ a b c d e f g h i j k l m n o p (id)Raja Prancis yang Hilang~Louis XVII, (Kaundhuh 26/3/2013)
  3. ^ (en)The Mystery of Louis XVII, (Kaundhuh 22 April 2013).
  4. ^ a b c d e f g h i j k l m n (id)Penipuan Terbesar Yang Pernah Terjadi Di Dalam Sejarah, (Kaundhuh 31 maret 2013).
  5. ^ (en)Louis XVII, (Kaundhuh 22/Maret/2013).
  6. ^ a b c d e f g (en)Mohawk Indian or French Prince?, (Kaunduh 5 April 2013).