Pananggalan

Bagean Pananggalan Hindhu ing taun 1871–1872.

Pananggalan utawa kalèndher iku sistem pètungan wektu kanggo mènèhi jeneng sawijining jangka wektu (kaya ta dina). Araning sistem pètungan iki asring kasebut tanggal pananggalan. Pananggalan iku umumé adhedasar lakuning srengéngé lan rembulan. Panangggalan uga bisa ngrujuk marang piranti kanggo nuduhaké sistem kasebut (upamané jam tembok).

Sistem pananggalan

Pananggalan sing umumé digunakaké yaiku pananggalan solar, pananggalan lunar, pananggalan lunisolar, utawa pananggalan pasetujon

Pananggalan Lunar iku pananggalan sing diselarasaké marang lakuning rembulan (fase bulan); upamané pananggalan Islam.

Pananggalan Solar iku pananggalan sing nganggo landhesan mangsa lan lakuning srengéngé . Contoné Pananggalan Persia.

Pananggalan Lunisolar iku pananggalan sing diselarasaké karo lakuning rembulan lan srengéngé, kaya ta Pananggalan Yahudi.

Pananggalan Pasetujon iku pananggalan sing ora diselarasaké marang lakuning rembulan lan srengéngé, contoné dina lan minggu Julian sing kagunakaké para pakar palintangan.

Ana uga pananggalan sing katoné diselarasaké marang obahing Venus kaya sing kagunakaké ing penanggalan Mesir Kuna. Penanggalan kaya mangkono mau uga asring katemon ing panggonan cedhak khatulistiwa.

Pananggalan Solar

Dina-dina sing digunakaké

Sedina pananggalan solar iku kapétung seka plethèking srengéngé nganti angslup, kanthi wektu wengi kang lumaku, utawa bisa uga sawijining jangka wektu kedadèn sing ginanti kaya ta antarané plethèking srengéngé. Dawané jangka antarané wektu kedadèn bisa manèka warna ing antarané taun lumaku, utawa bisa uga rata-rata dina solar sing lagi lumaku.

delengen uga

• Pananggalan Gregorius
• Pananggalan Hijriyah
• Pananggalan Jawa
• Pananggalan Julian
• Pananggalan Masèhi
• Pananggalan Revolusi Perancis
• Pananggalan Saka
• Pananggalan Tionghoa

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.