Ijtihad

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Bagéyan saka sèri Islam
Ushul fiqih

(Sumber-sumber hukum Islam)

Fiqih
Ahkam
Gelar cendekiawan

Ijtihad (Arab: اجتهاد) iku usaha sing bener-bener, sing bisa diayahi déning sapa waé sing wis ngupaya golèk èlmu kanggo mutusaké sawiji perkara sing ora dibahas jroning Al-Qur'an utawa hadis kanthi sarat migunakaké akal séhat lan pertimbangan mateng.

Nanging jroning perkembangan sabanjuré, diputusaké yèn ijtihad apiké mung dilakoni déning para ahli agama Islam.

Tujuan ijtihad yaiku kanggo ngebaki kaperluan umat manungsa babagan pegangan urip jroning ngibadah marang Allah ing papan lan wektu tinamtu.

Fungsi Ijtihad[sunting | sunting sumber]

Senadyan Al-Qur'an wis diturunké sacara sampurna lan pepak, ora ateges kabèh bab jroning kauripan manungsa ditata sacara detil déning Al-Qur'an utawa Al Hadist. Saliyané iku ana prabédan kahanan wektu tumuruning Al-Qur'an karo kauripan modhèrn. Saéngga saben wektu masalah anyar bakal terus ngembang lan perlu aturan-aturan anyar jroning nglaksanakaké Ajaran Islam ing kauripan sadina-dina.

Jenis-jenis ijtihad[sunting | sunting sumber]

Ijma'[sunting | sunting sumber]

Ijma' iku maknané kesepakatan para ulama jroning netepaké hukum agama lelandesan Al-Qur'an lan Hadits jroning sawiji bab sing kedadéyan. Kaputusan bebarengan sing dilakoni déning para ulama kanthi cara ijtihad sabanjuré dirembug lan disepakati. Asil saka ijma arupa fatwa, yaiku kaputusan bebarengan para ulama lan ahli agama sing nduwèni wewenang kanggo dianut umat.

Qiyâs[sunting | sunting sumber]

Qiyas tegesé nggabungaké utawa madhakaké jroning netepaké hukum sawijining perkara anyar sing durung ana ing mangsa sadurungé nanging nduwèni pepadhan jroning sabab, manfaat, bebaya lan manéka aspèk liyané karo perkara sadurungé saéngga dipatrapi hukum sing padha. Jroning Islam, Ijma lan Qiyas sipaté dharurat, yèn ana bab-bab sing nyata durung ditetepaké ing mangsa sadurungé.

Deleng uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Ijtihad&oldid=827108"