François Bozizé

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
François Bozizé
François Bozizé

Mangsa jabatan
15 Maret 2003 – Sakmenika
Perdhana Mentri Abel Goumba
Célestin Gaombalet
Élie Doté
Faustin-Archange Touadéra
Pejabat sadurungé Ange-Félix Patassé
Pengganti Saweg Njabat

Lair 14 Oktober 1946 (umur 68)
Mouila, Gabon
Kabangsan Republik Afrika Tengah
Partai pulitik Independen
Pasangan Monique Bozizé
Agama Pentekostal[1]

François Bozizé Yangouvonda (miyos 14 Oktober 1946) inggih punika Presiden Republik Afrika Tengah sakmenika. Piyambakipun pikantuk kekuwasan nalika Maret 2003 sasampuning mimpin pemberontakan dhateng Presiden Ange-Félix Patassé lan nglantaraken masa transisi wonten ing pamarentahan negara punika. Piyambakipun menang wonten ing pemilu presiden 2005 kanthi pikantuk swanten paling kathah wonten ing babak kapisanan, Maret 2005. Ananging cacahing swanten taksih kirang, saéngga piyambakipun kedah majeng dhateng babak ingkang angka 2 ingkang dipunmenangaken Mei 2005.

Masa timur lan Pamarentahan Kolingba[sunting | sunting sumber]

Bozizé miyos wonten ing Gabon lan nglampahi pendidikan kanggé perwira militer wonten ing provinsi Bouar, Afrika Tengah lan dados kapten taun 1975. Piyambakipun dipunangkat dados brigadir jenderal déning Kaisar Jean-Bédel Bokassa taun 1978. Sasampuning Bokassa dipunasoraken dening David Dacko taun 1979, Bozizé dipunangkat dados menteri pertahanan. Wonten ing masa pamarèntahan militer André Kolingba (19811993), Bozizé dipunangkat dados menteri komunikasi, ananging dipuntuduh ngrantam usaha kudeta rikala Maret 1982. Sasampuning kecekel wonten ing Cotonou, Benin rikala Juli 1989, Bozizé dipunkunjara lan dipunsiksa, ananging lajeng dipunbebasaken nalika pungkasaning taun 1991.1

Kolingba ngawontenaken pemilihan umum taun 1993, lan Bozizé dados salah satunggaling kandidat. Piyambakipun asor dening Patassé, ingkang kapilih dados presiden.

Ndukung Patassé[sunting | sunting sumber]

Sadanguning pinten-pinten taun, Bozizé dipunanggrp minangka pendukung Patassé lan mbiyantu nindes pemberontakan militer taun 1996 lan 1997. Bozizé lajeng dipunangkat dados Kepala Staf Angkatan Bersenjata.

Bozizé boten ningalaken aktivitas inngkang nglawan Patassé lan asring piyambakipun ngasoraken pemberontakan ingkang nglawan presiden.

Kudéta pungkasan[sunting | sunting sumber]

Nalika 15 Maret 2003, Bozizé pungkasanipun sukses ngrebut kakuwasan. Patassé saweg ngrawuhi sawijining pertemuan wonten ing Niger lan boten saged kondur. Bozizé lan pasukan-pasukanipun sampun nguwaosi Bangui lan bandharanipun. Patassé ndelik wonten ing Kamerun lajeng pindhah dhateng Togo.

Bozizé mbekukaken konstitusi 1995 negara punika sasampuning ngrebut kakuwasan, lan sawijining konstitusi enggal, ingkang konon sami kaliyan ingkang dangu, dipunsarujuki dening para pamilih wonten ing sawijining referendum tanggal 5 Desember 2004. [2] Sasampuning ngrebut kakuwasan, Bozizé wiwitan ngendika bilih piyambakipun boten badhe nyalonaken dhiri wonten ing pemilu kepresidenan ingkang badhe dipunadani, ananging sasampuning ferendum konstitusional ingkang sukses, piyambakipun mbiwarakaken niatipun saperlu nyalonaken dhiri minangka satunggaling kandidat. Wonten ing pungkasaning Desember 2004, Bozizé minangka satunggaling ing antawising 5 kandidat ingkang badhe ndherek wonten ing pemilu kepresidenan ingkang karantam ing wiwitan taun 2005. [3] wonten ing Januari 2005, Bozizé mbiwarakaken bilih wonten 3 calon ingkang dipuntampik ugi dipunkeparengaken ndherek, ewadene bekas presiden Patassé boten kalebet ing salebetipun. Wonten ing pungkasaning Januari, kabiwarakaken bilih langkung kathah kandidat badhe dipunidinaken ndherek wonten ing pemilu, saengga cacahipun sedaya wonten 11 tiyang, lan namung Patassé kemawon ingkang dipunlarang. Pemilu ugi dipunitundha setunggal wulan saking rantaman wiwitan 13 Februari dados 13 Maret[4].

Rujukan[sunting | sunting sumber]

  1. Integrated Regional Information Networks (IRIN), "Bozize to contest presidency as an independent candidate", December 13, 2004.
Didhisiki déning:
Ange-Félix Patassé
Presiden Republik Afrika Tengah
2003–
Diganti déning:
sedang menjabat


Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=François_Bozizé&oldid=836869"