Fermèntasi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Prastawa fermèntasi

Fermèntasi iku prosès prodhuksi energi jroning sèl ing kahanan anaerobik (tanpa oksigen). Sacara umum, fermèntasi arupa salah siji wangun respirasi anaerobik, ananging, ana dhéfinisi sing luwih jelas sing ndhéfinisèkaké fermèntasi minangka respirasi jroning lingkungan anaérobik tanpa aksèptor èlèktron èksternal.

Gula iku bahan sing umum asil fermèntasi. Sawetara conto asil fermèntasi yaiku étanol, asam laktat, lan hidrogen. Ananging sawetara komponèn liya bisa uga diasilaké liwat fermèntasi kayata asam butirat lan aseton. Ragi dikenal minangka bahan sing umum dipigunakaké jroning fermèntasi kanggo ngasilaké étanol jroning bir, anggur lan ombènan mawa alkohol liyané. Respirasi anaerobik jroning otot mamalia sajroning kerja sing abot (sing ora nduwèni akseptor èlèktron èksternal), dapat dikategorikan minangka wangun fermèntasi sing ngasilaké asam laktat minangka prodhuk sampingan. Akumulasi asam laktat iki sing nduwèni peran nyebabaké rasa kesel ing otot. Ahli Kimia Prancis, Louis Pasteur sawijining zymologist sepisanan nalika ing taun 1857 nggandhèngaké ragi karo fermèntasi. Dhèwèké ndhéfinisèkaké fermèntasi minangka "respirasi (pernafasan) tanpa hawa". Persamaan Reaksi Kimia

C6H12O6 → 2C2H5OH + 2CO2 + 2 ATP (Energi sing diculaké:118 kJ per mol)

Dijabaraké minangka

Gula (glukosa, fruktosa, utawa sukrosa) → Alkohol (étanol) + Karbon dioksida + Energi (ATP)

Jalur biokimia sing dumadi, sabeneré mawa variasi gumantung jenis gula sing kalibet, ananging umumé nglibetaké jalur glikolisis, sing dadi bagéan saka tahap awal respirasi aerobik ing sebagéan gedhé organisme. Jalur pungkasan bakal mawa variasi gumantung prodhukpungkasan sing diasilaké.

Sumber artikel punika saking kaca situs web: "http://jv.wikipedia.org/w/index.php?title=Fermèntasi&oldid=834483"