Farouk saking Mesir

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Farouk I
Raja Mesir, Panguwaos Nubia, saking Kordofan lan Darfur

Coat of arms of the Egyptian Kingdom 2.png

Kingfarouk1948.jpg
Mréntah 28 April 1936 – 26 Juli 1952
Miyos Cithakan:Birthdate
Kairo, Mesir
Tilar donya 18 Maret 1965 (umur 45)
Roma, Italia
Dipunsarèkaken Kairo
Pendahulu Fuad I
Pangganti Fuad II
Consort Safinaz Zulficar, Nariman Sadek
Yoga Putri Farial, Putri Fawzia Farouk, Putri Fadia, Fuad II
Dinasti Karajan Muhammad Ali
Bapa Fuad I
Ibu Nazli Sabri
Raja Farouk I, Ratu Farida, lan Pangéran Ferial

Raja Farouk (11 Februari 1920 - 18 Maret 1965) arupi Raja Mesir ingkang marisi tampuk pamaréntahan saking bapanipun Raja Fuad I nalika taun 1936. Sasampunipun dipunlantik, raja ingkang yuswanipun 16 taun puniku maringaken pidhato ing radhio, dados raja Mesir sepindhah ingkang ngandika sacara langsung dhumateng rakyatipun.

Raja Farouk ingkang tasih remaja puniki kèlu dhumateng kagesangan ingkang miwah. Senadyan kagungan maéwu-éwu are lemah, lusinan kedhaton, lan atusan montor, panjenenganipun mboten naté rumaos cekap kaliyan kasugihanipun. Raja Farouk asring plesir dhumateng Eropah kanggé blanja.

Nalika wekdal-wekdal awrat samangsa Perang Donya II, Raja Farouk asring dipunkritik amargi cara gesangipun ingkang miwah. Kaputusan Raja Farouk kanggé tetep nguripaken sedaya lampu kedhatonipun ing Alexandria nalika sedaya lampu ing kitha dipunpatèni nalika dumados pangeboman ingkang dipunlampahaken tentara Italia, nyebabaken Raja Farouk dipunsengiti.

Nalika saya diwasa, Raja Farouk wiwit nyolong barang-barang nalika damel kunjungan-kunjungan resmi, kalebet pedhang istiadat Shah Iran lan jam kanthong berharga kagunganipun Winston Churchill. Raja Farouk ugi arupi pancopèt ingkang andhel lan tumut nyolong saking rakyat biasa saéngga panjenenganipun dipunjuluki "Maling saking Kairo". Puniki arupi salah satunggil panyebab kudhéta militèr nalika taun 1952.

Amargi tedahan panyalahgunaan kuwaos lan kakalahan Mesir nalika Perang Arab-Israel 1948, Raja Farouk dipungulingaken salebetipun kudhéta militèr tanggal 23 Juli 1952 pimpinan Gamal Abdul Nasser, ingkang meksa Farouk kanggé lèngsèr lan dipunsingkiraken dhumateng Monako, ing pundi Raja Farouk 1 manggèn kanggé sisa gesangipun. Sasampunipun Farouk dipunsingkiraken, putranipun ingkang tasih bayi dipunnyatakaken minangka Raja Fuad II. Senadyan mekaten, pamaréntah monarki saleresipun sampun dipunbisak sacara de facto. Nalika taun 1953 pamaréntahan monarki dipunbisak sacara resmi lan Mesir dados satunggiling republik. Pamaréntahan énggal lajeng nglélang kolèksi kasugihan tetilaripun Raja lan asil colongan ingkang kathah.

Raja Farouk teras gesang mawi gaya gesang ingkang miwah lan ketagihan ngempalaken bandha. Kekaremanipun dhahar panganan ingkang éca nyebabaken Raja Farouk dados lemu dumugi 140 kg bobotipun. Tanggal 18 Maret 1965, Raja Farouk ambruk ing meja dhahar sasampunipun satunggiling dhahar ndalu ingkang ageng lan pejah.

Farouk palakrami kapaing kalih ing gesangipun, sepindhah kaliyan Safinaz Zulfikar (1921–1988; palakrami taun 1938; pegatan taun 1948), lan lajeng kaliyan Nariman Sadeq (1934–2005; palakrami taun 1951; pegatan taun 1954).

Katurunan[sunting | sunting sumber]

Réferènsi[sunting | sunting sumber]

Logo Wikimedia Commons
Pirsani galeri bab Farouk saking Mesir ing Wikimedia Commons.


Sing mengku  sadurungé:
Fuad I
Raja Mesir
1936–1952
Diganti déning:
Fuad II