Edith Stein

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Santa Teresa Benedikta saking Salib
Edith Stein.jpg
Martir
Miyos 12 Oktober 1891, Breslau, Jerman
Tilar donya 9 Agustus 1942, kamp konsentrasi Auschwitz, Polandia
Dipunvenerasi ing Gereja Katolik Roma
Beatifikasi 1 Mei 1987, Köln (Cologne), Jerman
Kanonisasi 11 Oktober 1998
Pèngetan 9 Agustus
Atribut Lintang David Kuning
Pelindung Eropah; yatim-piatu, martir

Edith Stein (12 Oktober 1891 - 9 Agustus 1942), dipuntepangi sasampunipun panampinipun dhumateng Ordo Karmelit minangka Teresa Benedicta of the Cross lan dipunkanonisasi kanthi asma kasebat taun 1998, punika satunggiling filsuf, feminis, suster Carmelite, lan martir ingkang tilar donya kamp konsentrasi Auschwitz.

Stein dipunwiyosaken ing Breslau (utawi Wrocław), Silesia (wekdal semanten wilayah Jerman), ing satunggiling kulawarga tiyang Yahudi Ortoks. Taun 1904 panjenenganipun nolak kapitadosan kasebat lan dados ateis. Ing Universitas Georg August Goettingen panjenenganipun dados murid Edmund Husserl, lan piyambakipun tumut minangka asistenipun dhateng Univèrsitas Freiburg. Taun 1916, panjenenganipun nampi gelar doktor filosofi ing pundi disertasinipun ing saandhaping Husserl, punika "Ngenani Masalah Empati". Salajengipun piyambakipun dados anggota fakultas ing Freiburg.

Senadyan panjenenganipun nanpi kontak awal kaliyan Katulik Roma, nanging pamaosanipun dhumateng otobiografi St Teresa Avila ingkang mistik ing satunggiling liburan taun 1921 punika ingkang njalari konversi piyambakipun. Panjenenganipun dipunbaptis tanggal 1 Januari 1922. Panjenenganipun nilar p0edamelan asistenipun kaliyan Husserl kanggé mucal ing sekolah pawèstri Dominikan ing Speyer (1922-1932). Salaminipun ing mrika penjenenganipun mertal De veritate (Salebeting Kaleresan) Thomas Aquinas dhumateng basa Jerman lan dados caket kaliyan filosofi Katulik umum. Taun 1932 panjenenganipun dados pamucal ing Institut kanggé Pedagogi ing Münster, nanging undang-undang Anti-semitisme diperbolehkan déning pamaréntahan Nazi meksa piyambakipun kanggé mundur saking jawatan kasebat ing taun 1933.

Panjenenganipun mlebet biara Caremelite ing Cologne taun 1934 lan ngagem asma Teresa Benedicta Salib. Ing mrika panjenenganipun nyerat buku metafisika Endliches und ewiges Sein ingkang nyobi kanggé nggabungaken filosofi Aquinas lan Husserl.

Kanggé ngèndhani agengipun anceman Nazi, ordonipun mindhahaken panjenenganipun dhumateng biara Carmelite ing Echt ing Walanda. Ing mrika panjenenganipun nyerat Studie über Joannes a Cruce: Kreuzeswissenschaft ("Èlmu Salib: Panlitèn ngenani John Salib").

Nanging, panjenenganipun mboten aman ing Walanda amargi Konferènsi Uskup Walanda ngedalaken wara-wara pratélan ingkang dipunwaosaken ing sedaya gréja ing nagari kasebat tanggal 20 Juli 1942, ngutuk rasisme Nazi. Minangka walesan, tanggal 26 Juli 1942, Adolf Hitler mréntahaken panyipengan tiyang Yahudi (ingkang sadèrèngipun sampun dipunapunten) ing mrika. Edith lan rayinipun Rosa dipuncipeng lan dipunkintun dhumateng kamp konsentrasi Auschwitz, ing pundi kekalihipun tilar donya ing ruang gas tanggal 9 Agustus 1942.

Sapuniki wonten sekolah minangka pangurmatan dhumateng Edith Stein ing Darmstadt, Jerman. [1]

Pirsani ugi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Edith_Stein&oldid=821612"