Teresa saking Avila

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Santa Teresa Ávila
Teresa of Ávila.jpg

Teresa of Ávila déning François Gérard
Kenya lan Doktor Gréja
Miyos 28 Maret 1515, Gotarrendura (Ávila), Old Castile, Karajan Spanyol
Tilar donya 4 Oktober 1582 (umur 67)[1], Alba de Tormes, Salamanca, Karajan Spanyol
Dipun urmati ing Gréja Katulik Roma
Gréja Lutheran[2]Komunion Anglikan
Beatifikasi 24 April 1614, Roma déning Paus Paulus V
Kanonisasi 12 Maret 1622, Roma déning Paus Gregorius XV
Papan ziarah utama Convent of the Annunciation, Alba de Tormes, Spanyol
Dinten pèngetan 15 Oktober
Atribut habit of the Discalced Carmelites, Book and Quill, arrow-pierced heart
Pangreksa bodily ills; headaches; lacemakers; laceworkers; loss of parents; people in need of grace; people in religious orders; people ridiculed for their piety; Pozega, Croatia; sick people; sickness; Spanyol
Gloriole.svg Portal Santo

Santa Teresa Ávila, ugi dipuntepangi minangka Santa Teresa Yesus, dipunbaptis kanthi asma Teresa Sanchez de Cepeda y Ahumada (lair ing Gotarrendura (Ávila), Old Castile, Spanyol, 28 Maret 1515 – tilar donya ing Alba de Tormes, Salamanca, Spanyol, 4 Oktober 1582 kanthi umur67 taun) punika satunggiling mistik, biarawati Karmelit lan panulis Anti Reformasi. Panjenenganipun satunggiling pambaharu Ordo Karmelit lan sesarengan Yohanes Salib arupi pangadeg Karmelit Ciaka. Ing taun 1970 panjenenganipun dipunparingi gelar Doktor Gréja déning Paus Paulus VI.

Babad slira[sunting | sunting sumber]

Teresa de Cepeda y Ahumada dipunwiyosaken taun 1515 ing Gotarrendura, Spanyol. Eyang kakung saking bapanipun, Juan de Toledo, punika satunggiling tiyang Yahudi ingkang pindhah Kristen lan dipuntutuh déning Inkuisisi Spanyol amargi wangsul malih dhumateng kapitadosan Yahudi. Bapanipun, Alonso Sánchez de Cepeda, mundhut gelar ksatria lan kasil nglampahi asimilasi dhumateng lingkungan Kristen. Ibunipun Teresa, Beatriz, ndhidhik ajaran Kristeninipun. Teresa rumaos éran dhumateng kagesangan para santo, lan mlajar saking nggriya ing yuswa pitung taun sesarengan kaliyan sedhèrèkipun Rodrigo kanggé ngupados martirdom ing antawisipun Moors. Paklikipun nyegah kekalihipun nalika panjenenganipun kundur dhumateng kitha lan pirsa kekalihipun ing sanjawining tembok kitha.

Ing yuswa 20 taun, Teresa nilar dalemipun ingkang bapa, lan mlebet biara Inkarnasi Karmelit ing sanjawining Avila. Ing salebeting biara, panjenenganipun nandhang penyakit. Ing wekdal awal gerah, panjenenganipun nglampahi periode ekstasi keagamaan liwat waosan "Tercer abecedario espiritual," (Alfabet Spiritual Kaping 3) ingkang dipunpublikasiaken taun 1527 lan dipunserat déning Francisco de Osuna. Panjenenganipun ugi maos buku Tractatus de oratione et meditatione karyanipun Peter Alcantara.

Ing taun 1556, kathah réncang nélakaken bilih kawruhipun asalipun saking Setan. Panjenenganipun wiwit nglampahi panyiksan dhiri lan mortifikasi badan. Banging réncangipun, Santo Francis Borgia satunggiling Yesuit, mesthèkaken panjenenganipun bilih inspirasinipun asalipun saking Gusti Allah. Ing dinten St. Peter taun 1559, Teresa pitados bilih Yesus Kristus marak dhumateng lebet badanipun. Visi Yesus Kristus puniki marak laminipun 2 taun. Ing visi sanèsipun, Teresa nyerat seraph nusukakenn tombak emas dhumateng jantungipun, njalari gerah jasmani-rohani. Èngetan dhumateng kedadosan puniki njalari piyambakipun kagungan motivasi kanggé tumut dhumateng sengsaranipun Yesus, kacathet minangka motonipun: "Bapa, biarkan aku menderita atau biarkan aku mati." Visi puniki dados asil karya Bernini paling misuwur Ekstasi St. Theresa ing Santa Maria della Vittoria ing Roma.

Pirsani ugi[sunting | sunting sumber]

Réferènsi[sunting | sunting sumber]

  1. ^ Ing wengi antawis 4 Oktober lan 5 Oktober 1582, ing wengi nalika Spanyol nglampahi pengalihan saking Kalèndher Julian dhumateng Gregorian
  2. ^ Notable Lutheran Saints

Pranala jawi[sunting | sunting sumber]