Bis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bus Antar Kota

Bus utawa bis iku kendaraan gedhé mawa rodha, dipigunakaké kanggo ngamot panumpang sing akèh. Istilah bus iki asalé saka basa Latin, omnibus, sing tegesé "(kendaraan sing mandheg) ing kabèh (halté)".

Jenis[sunting | sunting sumber]

Coach / Motorcoach[sunting | sunting sumber]

Coach utawa motorcoach biasané awujud kendaraan sing dirancang kanggo lelungan adoh. Bus iki dipepaki kanthi kursi sing luwih nyaman, sawijiné ruangan kanggo wadhah bagasi, lan mesin sing luwih gedhé. Kendaraan iki biasané luwih dhuwur tinimbang bus biasa, lan dijangkepi nganggo AC, toilet, lan sistem audio/video.

Coaches / motorcoach kuwi kendaraan sing fleksibel lan bisa digunakaké kanggo pariwisata, lelungan liburan utawa lelungan antar-kutha.

Bus tingkat[sunting | sunting sumber]

Bus wisata yaiku sawijine atraksi wisatawan sing umum ing kutha kutha gedhe.

Bus tingkat dirakit kanthi loro lantai supaya bisa ngamot luwih akeh panumpang. Dikenal minangka bageyan saka transportasi publik ing Jakarta lan uga ing saweneh kutha gedhe liya kayata London, Bombay, Hong Kong, Singapura, Dublin, Berlin, Davis, California, lan Victoria, British Columbia.

Routemaster London yaiku modhel spesifik bis double-decker kang digunakake wiwit pertengahan taun 1950lan wis dadi ikon kutha London. Bis iki nduweni platform rear bukaan kanggo metu mlebune penumpang. Sopir manggon ing panggonan khusus, beda karo penumpang. Kang njaluki tarif yaiku kondektur bis kang mubeng njaluki marang penumpang. Routemasters sedang ditarik saka rutene banjur digantikekake bis tingkat kang luwih modern utawa single-dek bis gandheng (ngisor). Nanging penumpang isih ngarapake anane bis iki kanggo sarute kanggo tujuan warisan.

Tambahan dhuwure kendaraan double-deck ndadekake menarik digunakake tur ing tengah dalan, apamaneh ing kutha-kutha ing sakabehing donya kang ora nggunakake kendaraan double-deck kanggo layanan normal. Bis umume digawe kanthi jendhela gedhe lan / utawa dek dhuwur kang kabuka kanggo nguduhake sudut pandang paling apik saka jero kendaraan.

Bus sekolah[sunting | sunting sumber]

Bus Sekolah Laidlaw

Bus sekolah digunakaké kanggo ngamot bocah-bocah sekolah saka papan panggonane (omah) marang sekolah menawa papan panggenane luwih adoh yen mlaku. Ing AS bus sekolah padatane nduweni werna kusus yaiku kuning lan dijangkepi karo lampu peringatan lalu lintas sarta dijangkepi pengaman liyane kang digunakaké nalika para penumpang munggah utawa mudun saka bis. Bus sekolah padatane dioperasekaké nganggo distrik sekolah utawa penyedia jasa bus sekolah kang dikontrak.

First Student ngenalaké bis-bis kuning ing Britania Raya. Nanging akehé pelayanan bis sekolah ditindakaké kanthi nggunakaké bis-bis biasa.

Ing nagara-nagara liya, bis sekolah ora tansah werna kuning. Buenos Aires, lan kemungkinan uga bis-bis sekolah liyane ing Argentina diwenehi werna kuning tela lan ditulisi escolares.

Ing Jakarta tau dicoba dikenalaké bus sekolah dening pamrintah Jakarta, nanging proyek iki ora kasil amarga kerep ana penumpang kang dudu murid sekolah uga tumut nggunakaké. Saweneh sekolah swasta ing saweneh papan ing Indonesia menehi pelayanan bis sekolah kanggo siswa-siswane.

Bus belajar[sunting | sunting sumber]

Bus belajar yaiku sawijiné bis khusus kang digunakaké perusahaan bis kanggo nglatih kaprigelan nyupir para sopir bis. Bis iki uga digunakake kanggo nglatih wong kang kepingin dadi sopir bis. Latian nyupir bis ing dalan dadi bageyan kang penting saka pendhidhikan iki kaya latian nyupiri montor biasa.

Pranala jaba[sunting | sunting sumber]

  • Daftar Perusahaan Bus. Akèh prusahaan bus ing Indonesia, nanging mung sawetara sing nduwèni situs wèb, antara liya:
  1. PO.Bhinneka-Sangkuriang
  2. Bimo Transport
  3. Hiba Utama
  4. Kramat Djati
  5. Eka Sari Lorena dan Ryanta Mitra Karina
  6. Nusantara
  7. Pahala Kencana
  8. Rosalia Indah
  9. OBL Safari Dharma Raya
  10. Sedya Mulya
  11. Puspa Jaya
Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Bis&oldid=868303"