Benny Lin
| Benny Lin | |
|---|---|
 | |
| Lair | Benny Lin taun 1985  Sala, Indonésia |
| Padunungan | Surakarta, Indonésia |
| Sana jaringan | bennylin.github.io |
Benny Lin (lair ing Sala, 1985)[1] kang uga ditepungi minangka Budi[2] iku sawijining pamrogram komputer saka paguyuban Wikipédia Indonésia. Dhèwèké gawé piranti alus kang bisa ngalihaké aksara Latin menyang aksara Jawa.[2] Tèknologi transliterasi iki dudu panemon anyar, dhèwèké nyampurnakaké tèknologi iku wiwit setengah taun kapungkur.[3] Tèknologi iki kanggo nggampangaké sinau basa Jawa lan uga bisa dipigunakaké kanggo nyadhur literatur kuna ing sapérangan musiyum ing Sala.[4] Wiwit sasi April 2013, dhèwèké sregep kampanye obahan perduli lan nresnani aksara Jawa ing adicara Sala Car Free Day ing kawasan Plasa Sriwedari, Surakarta saben Minggu.[3] Semono uga ing dina Minggu, 28 April 2013.[4]
Benny Lin lan Wikipédia
[besut | besut sumber]Benny Lin wiwit mbesut ing Wikipédia ing taun 2004.[1][5] Wektu iku, dhèwèké nembé setengah taun kuliah ing Univèrsitas Washington jurusan Èlmu Komputer.[1][5] Amarga seneng informasi ngenani Sala, dhèwèké sakakèh-akèhé nglebokaké informasi kang magepokan karo Sala, sajarahé, wewengkoné, jeneng désa, kalurahan, kacamatan, uga ngenani budaya, jogèd, lan kaseniané.[1][5] Saliyané iku dhèwèké uga nulis ngenani tokoh sajarah, paraga filem, penyanyi, lan jinis informasi liyané.[1][5] Kawigatènané karo Wikipédia iki ana gandhèng cènèngé karo peran Revo Arka Giri Soekatno, sawijining pangadeg Wikipédia basa Indonésia, warga Indonésia kang saiki manggon ing Walanda.[6][7]
Wiwit tanggal 7 Oktober 2011 Benny Lin dadi stewards, ya iku panata kang duwé aksès komplit menyang kabèh proyèk Wikimédia lan bisa ngowahi hak-hak para naraguna lan golongan naraguna.[8] Wiwit tanggal 15 Juni 2012 dhèwèké dadi panata utawa opsis ing Wikipédia basa Indonésia lan wiwit tanggal 1 Maret 2013 dhèwèké uga dadi pamriksa ing kana.[9]
Pendhidhikan
[besut | besut sumber]- SD Kalam Kudus Sala[1]
- SMP Kalam Kudus Sala[1]
- SMAN 3 Sala[1][3]
- Jurusan Èlmu Komputer Univèrsitas Washington, Amérikah Sarékat[1][10]
Bebungah
[besut | besut sumber]- JCI Indonesia's Ten Outstanding Young Person 2013 amarga miwiti Wikipédia Aksara Jawa.[11]
Uga delengen
[besut | besut sumber]- Bennylin, kaca naragunané Benny Lin ing Wikipédia basa Jawa.
Réferènsi
[besut | besut sumber]- ↑ a b c d e f g h i Inspirasi "Benny Lin Berbagi Informasi dengan 117.00 Suntingan", Harian Umum Solopos Taun XV|/No. 223 kaca 5 terbit Slasa legi, 7 Mèi 2013.
- ↑ a b "AKSARA JAWA" . Dibukak ing 2013-04-08.[pranala mati permanèn]
- ↑ a b c "WIKIPEDIA JAWA : Menulis Aksara Jawa Makin Mudah" . Diarsip saka sing asli ing 2016-03-26. Dibukak ing 2013-05-08.
- ↑ a b "WIKIPEDIA JAWA : Menulis Aksara Jawa Makin Mudah" . Dibukak ing 2013-05-08.
- ↑ a b c d "WIKIPEDIA JAWA : Benny Lin Lakukan 117.000 Suntingan untuk Berbagi Informasi" . Dibukak ing 2013-05-08.
- ↑ Inspirasi "Dibutuhkan, Penyunting Basa Jawa di Wikipedia", Harian Umum Solopos Taun XV|/No. 223 kaca 5 terbit Slasa legi, 7 Mèi 2013.
- ↑ "WIKIPEDIA JAWA : Dibutuhkan, Penyunting Basa Jawa di Wikipedia" . Dibukak ing 2013-05-08.
- ↑ Dhaptar Stewards ing kaca Meta
- ↑ Pratélan panata ing Wikipédia basa Indonésia
- ↑ "Benny Lin, Pencipta Software Javanese Transliteration" . Diarsip saka sing asli ing 2014-04-26. Dibukak ing 2013-05-16.
- ↑ "Memahami Edukasi Wikipedia" . Dibukak ing 2013-05-30.
Pranala njaba
[besut | besut sumber]- Undhuh piranti alus transliterasijawa kanthi migunakaké PC[pranala mati permanèn].
- Transliterasi Jawa ing Radarsolo Archived 2014-04-26 at the Wayback Machine.
- Nulisa Aksara Jawa, situs wèb kanggo sapa waé sing péngin njajal alih aksara.
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |