Asmaradana

Saka Wikipédia Jawa, bauwarna mardika basa Jawa
(Kaelih saka Asmarandana)

Asmaradana utawa Asmarandana iku siji jinis tembang macapat. Tembang Asmarandana lumrahé kanggo wong sing lagi gandrung kapirangu. Yèn dideleng wantah, Asmarandana dijupuk saka asmara kang artiné tresna, lan dahana kang artiné geni. Mula saka iku, Asmarandana isiné wuyung lan samubarang kang magepokan karo tresna.

Étimologi[besut | besut sumber]

Pupuh bisa 'asmaradana' digandhèngaké karo Smaradahana. Iki jenengé kakawin.

Metrum[besut | besut sumber]

Asmarandana diracik saben pada (bait) ana 7 gatra (larik).

  • 8-i
  • 8-a
  • 8-é
  • 8-a
  • 7-a
  • 8-u
  • 8-a

Tuladha[besut | besut sumber]

Gegaraning wong akrami
Dudu bandha dudu rupa
Amung ati pawitané
Luput pisan kena pisan
Lamun gampang luwih gampang
Lamun angèl, angèl kalangkung
Tan kena tinumbas arta

Aja turu soré kaki
Ana Déwa nganglang jagad
Nyangking bokor kencanané
Isiné donga tetulak
Sandhang kelawan pangan
Ya iku bagéyanipun
wong melek sabar narima

Pranala njaba[besut | besut sumber]

Alit
Mijil | Sinom | Dhandhanggula | Kinanthi | Asmarandana | Durma | Pangkur | Maskumambang | Pucung
Tengahan
Jurudemung | Wirangrong | Balabak | Gambuh | Megatruh
Ageng
Girisa