Dhandhanggula

Dhandhanggula iku salah sijine tembang macapat kang isine 'pengarepan utawa pengajap kang becik. Dhandhang iku pengarep-arep. Mula saka kuwi, tembang kang nganggo metrum Dhandhanggula uga nduwe isi kang legi kaya dene gula. Akeh pitutur kuna kang nganggo jenis iki.

Ana uga kang nyoba othak-athik gathuk karo sawijining raja ing jaman Kadiri, Dhandhanggendhis. Seka othak-athik iki banjur kinira yen tembang iki digawe nalika jaman Kadhiri. Gendhis uga nduwe arti gula.

Metrum

Saben pada (bait) ana 10 gatra (larik).

• 10-i
• 10-a
• 8 -é
• 7 -u
• 9 -i
• 7 -a
• 6 -u
• 8 -a
• 12-i
• 7 -a

Tuladha

Yogyanira kang para prajurit,

lamun bisa sira anuladha,

duk ing uni caritane,

andelira sang prabu,

Sasrabahu ing Maespati,

aran patih Suwanda,

lelabuhanipun,

kang ginelung tri prakara,

guna kaya purun ingkang den antepi,

nuhoni trah utama

Pranala jaba

Urip iku pan keno ing pati Bebasane wong kang menyang pasar Tan langgeng ing pasar bae Tan wurung temtu wangsul Bali mring wismane ing nguni Lamun sira tan wikan manggih marginipun Bakal kesasar mbelasar Kadyo kewan tan wruh paraning dumadi Marmo jebeng nyatakno