Jurudemung

Jurudemung iku kalebu tembang sekar madya. Wateké prenèsan lan biyasané dienggo tembang wangsalan utawa sing rada érotis.

Guru wilangan lan guru lagu

Saben pada, tembang iki ana pitung gatra (larik), kanthi guru wilangan lan guru lagu :

8a, 8u, 8u, 8a, 8u, 8a, 8u.

Tuladha

Tuladha iki dijupuk saka Serat Pranacitra

ni ajeng mring gandhok wétan

wus panggih lan Rara Mendut

alon wijilé kang wuwus

hèh Mendut pamintanira

adhedhasar adol bungkus

wus katur sarta kalilan

déning jeng kyai Tumenggung.

Tuladha iki dijupuk saka Serat Sekar-sekaran anggitan Mangkunegaran IV.

cirining serat iberan

kebo bang sungunya tanggung

saben kepi mirah ingsun

katon pupur lalamatan

kunir pita kasut kayu

wulucumbu Madukara

paran margane ketemu

Sumber

• Johannes Jacobus Ras, 1982, Inleiding tot het modern Javaans. ’s-Gravenhage: Nijhoff. ISBN 90-247-6167-x, (Kaca 313).