Yamamoto Kansuke

Saka Wikipédia Jawa, bauwarna bébas abasa Jawa
Yamamoto Kansuke

Yamamoto Kensuke (1501-1561) ya iku samurai ana ing jaman Sengoku/perang sipil Jepang kang ngabdi marang daimyo Takeda Shingen saka Provinsi Kai.[1][2] Dhèwèké ya iku salah siji saka 24 jendral Takeda kang ahli strategi brilian. Jeneng asline ya iku Haruyuki, Kansuke ya iku jeneng kehormatan kang dianugerahake Shingen.[1] Yamamoto asalé saka Provinsi Mikawa lan wiwitane ngabdi marang klan Imagawa kang dhèwèké ora duwé potensi amarga sikile kang pincang lan matane kang mung sisih tok.[1] Nganti tekan ana ing sawijining wektu, dhèwèké ketemu karo jenderal Takeda, Itagaki Nobutaka, kang menehi dhèwèké kesempatan audisi Takeda Shingen.[2] Shingen kepincut karo dhèwèké lan banjur menehi kanugrahan daerah koku kang cacahé 1.000.[2] Shingen uga sering njaluk nasihat saka dhèwèké. Ana ing peperangan Shingen ya iku nalika ngrebutake wewengkon Shinano, Yamamoto menehi kontribusi kang gedhé.[1] Ana ing cathetan sajarah, Yamamoto iku kang ndésain menara penyerang kanggo ngrubuhake bètèng-bètèng Shinano.[1] Amarga saka jasa-lelabuhané iku, Shingen banjur menehi kanugrahan jeneng kehormatan, Kensuke, lan pendapatane banjur mundhak dadi 4.000 koku.[1] Yamamoto uga duwé peran ana ing penaklukkan klan Murakami ing Toishi (1551).[1] Perane kang gedhé dhéwé ya iku ana ing Pertempuran Kawanakajima nglawan klan Uesugi kang punjul kaping lima.[1] Taun 1561, Shingen lan Uesugi Kenshin tempur kanggo kaping papate.[1] Nalika iku, Uesugi mapan ana ing puncak Gunung Saijo, déné Shingen mapan ana ing Kastil Kaizu sisih wétan.[1] Yamamoto menehi saran marang Shingen kanggo mbagi pasukane kang cacahé 20.000 dadi rong pérangan.[1] Setengah saka pasukane kanggo nglakoni serangan fajar tumuju Gunung Saijo, lan kang setengahe manèh tumuju marang Hachimanbara kanggo mblokir jalur mundur Uesugi.[1] Siasat iki ditampa déning Shingen, lan dhèwèké ngirim Kosaka Masanobu lan Baba Nobuharu menyang Gunung Saijo lan dhèwèké mandhegani wadyabala kanggo nyabrang Kali Chikuma.[1]

Cathetan suku[besut | besut sumber]

  1. ^ a b c d e f g h i j k l m [1]
  2. ^ a b c gingasite.net