Takeda Shingen

Saka Wikipédia Jawa, bauwarna bébas abasa Jawa
Lukisan olèh Utagawa Kuniyoshi

Takeda Shingen (武田 信玄?)(1 Dhésèmber 1521 utawa 3 November taun pisanan ana ing era Daiei13 Mèi 1573 utawa 12 April taun ka-14 era Genki) utawa dikenal karo Takeda Harunobu ya iku daimyo jaman Sengoku saka provinsi Kai.[1] Takeda Shingen lair dadi putra kang sah kanggo marisi klan Takeda kang turun temurun njabat shugo ana ing Kai.[2] Sawisé bisa nguwasani Shinano, Takeda Shingen banjur tarung nglawan Uesugi Kenshin ana ing Pertempuran Kawanakajima.[1] Takeda Shingen terus ngambakake wewengkon kakuasane nganti tekan provinsi Kai, Shinano, Suruga, Kōzuke, Tōtōmi, lan uga sapérangan wewengkon Mikawa lan Mino.[1] Takeda Shingen dikabarke mati amarga lara ana ing dalan nalika arep nyerang Kyoto.[1] Shingen ya iku sawijining jeneng kaimyō dena Harunobu ya iku jeneng kaurmatan (imina).[1] Jeneng resmi kang diwènèhake kaisar ya iku Minamoto no Harunobu. Ana ing peperangan, Takeda Shingen kang duwé julukan "macan saka Kai" ngibarake bendera perang kang dijenengi Fūrinkazan (風林火山? angin, rimba, geni, gunung).[1] Pasukan numpak jaran kang dipimpin déning Takeda Shingen ya iku wadyabala kavaleri paling kuwat ana ing jaman Sengoku.[1] Nalika jaman Taishō, Shingen kanthi anumerta nampa kalungguhan Jusan-i kang duwé kedudukan telung tingkat sangisore kalungguhan perdana menteri.[1] Takeda Shingen lair tanggal 3 November 1521 kang dadi putra pewaris Takeda Nobutora ing provinsi Kai.[2] Tarō utawa Katsuchiyō ya iku jeneng undang-undangane nalika dhèwèké isih cilik.[2] Bapaké Shingen (Takeda Nobutora) ya iku daimyō jaman Sengoku kang nyawijikake provinsi Kai lan uga kang ngadegaké klan Takeda.[2] Nobutora ya iku pemimpin génerasi ka-18 klan Kai Genji utawa klan Takeda kang turun temurun njabat shugo ing provinsi Kai wiwit jaman Kamakura.[2] Nalika laire Shingen, provinsi Kai diserang déning 15.000 prajurit saka wadyabala Imagawa kang dipimpin déning Fukushima Masanori saka panjalukan saka Imagawa Ujichika.[2] Semangat tempur wadyabala Takeda dadi tambah semangat nalika ngerti berita kelairan Shingen, kang ndadèkaké wadyabala Imagawa kang jumlah luwih akèh bisa dikalahake.[2]

Cathetan suku[besut | besut sumber]