Wong Kubu

Saka Wikipédia Jawa, bauwarna bébas abasa Jawa
Wong Kubu
Gunggung cacah jiwa
(kurang luwih 200.000 (1996))
Tlatah mawa cacah jiwa akèh
Jambi, Indonesia
Golongan ètnik magepokan
Wong Melayu, Wong Minangkabau.

Wong Kubu utawa dikenal uga kanthi jeneng Suku Anak Dalam utawa Orang Rimba iku salah siji bebrayan minoritas sing urip ing Pulo Sumatra, persisé ing Provinsi Jambi, Sumatra Kidul. Wong Kubu racaké manggon ing provinsi Jambi, kira-kira cacahé watara 200.000 orang.

Miturut tradhisi lésan wong Anak Dalam minangka wong Maalau Sesat, sing mlayu menyang alas ing saubengé Air Hitam, Taman Nasional Bukit Duapuluh, sabanjuré diarani Moyang Segayo. Tradisi liya nyebutaké yèn wong Kubu asalé saka Pagaruyung, sing ngungsi menyang Jambi. Bab iki dikuwataké anané kanyataan yèn basa lan adat wong Anak Dalam mèmper karo basa lan adat Wong Minangkabau, contoné bab adat sistem matrilineal.

Lumrahé wong Kubu urip ing 3 wewengkon ekologis sing béda-béda, ya iku antarané Wong Kubu sing ana ing lor Provinsi Jambi (saubengé Taman Nasional Bukit 30), Taman Nasional Bukit 12, lan wewengkon kidul Provinsi Jambi (sadawané dalan lintas Sumatra). Wong Kubu urip kanthi nomaden lan golèk pangupa jiwa kanthi ajag lan ngramu, sanadyan wiwit akèh sing duwé lahan karèt lan tetanèn liyané.

Kauripan wong Kubu nyedhihaké banget mliginé kanthi sudané sumber daya alas sing ana ing Jambi lan Sumatra Kidul, lan prosès-prosès marginalisasi déning pamaréntah lan bebrayan dominan (Wong Melayu) sing ana ing Jambi lan Sumatra Kidul.

Pranala njaba[besut | besut sumber]