Wong Alemanni

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Laladan kang dipanggoni suku Alemanni

Wong Alemanni utawa Suku Alemanni iku wiwitané sekuthu saka suku-suku Jerman kang manggon ing laladan kali Rhine.[1] Salah sijiné bukti kang mertandhaké anané suku iki ya iku anane cognomen Alamannicus kang ditampa karo Kaisar Romawi, Caracalla, kang mrintah Kekaisaran Romawi wiwit taun 211–217.[2] Kanthi cara iki, Kaisar Romawi nganggep yèn dheweké wis nguwasani suku Alemanni.[1] Sifat persekuthuan suku Alemanni karo suku-suku Jerman isih durung cetha.[1] Persekuthuan iki nduwèni usaha kanggo nyerang provinsi Romawi, Germania Superior.[1] Umumé, suku Alemanni melu apa kang wis dilakoni karo suku Franka.[1] Wiwit abad kang sepisanan, kali Rhine wis dadi batas antarane Galia Romawi lan suku-suku Jerman.[1] Suku Jerman, Kelt, lan suku-suku campuran Kelt-Jerman manggon ing pinggir kali iku.[1] Romawi mbagi laladan iki dadi rong distrik ya iku Germania Inferior lan Germania Superior.[1] Distrik kang sijiné manggon ing ngisor utawa lor kali lan kang sijiné manéh manggon ing dhuwur utawa kidul kali Rhine.[1] Wates benteng Romawi paling njaba ing sakupengé Germania Superior diarani Limes Germanicus.[1] Pasukan perang Allemani kerep nyebrang limes lan nyerang Germania Superior kang tumuju Agri Decumates.[1] Minangka persekuthuan wiwit abad kalima, suku Alemanni manggon laladan Alsace nganti laladan Dataran Tinggi Swiss.[1] Saliyané iku, suku Alemanni uga manggon ing laladan kang saiki diarani Bavaria lan Austria, nganti ing lembah Alpen ing abad kaping wolu.[1]

Cathetan suku[sunting | besut sumber]

  1. ^ a b c d e f g h i j k l m (id)m-search.jp(dipunundhuh tanggal 27 Agustus 2011)
  2. ^ (en)wdict.net(dipunundhuh tanggal 27 Agustus 2011)


Sumber artikel punika saking kaca situs web: "https://jv.wikipedia.org/w/index.php?title=Wong_Alemanni&oldid=1015694"