Wikramawardhana

Saka Wikipédia Jawa, bauwarna mardika basa Jawa
Jump to navigation Jump to search

Wikramawardhana iku raja kalima Krajan Majapait kang maréntah bebarengan karo garwa sisan sepupuné, ya iku Kusumawardhani putri Hayam Wuruk, ing taun 1389-1427. Wikramawardhana sajeroning Pararaton duwé sesebutan Bhra Hyang Wisesa Aji Wikrama. Jeneng asliné ya iku Radèn Gagak Sali. Ibuné sesilih Dyah Nertaja, adhik saka Hayam Wuruk, kang mengku kalungguhan minangka Bhre Pajang. Déné ramané asesilih Raden Sumana kang menku kalungguhan minangka Bhre Paguhan, mawa sesebutan Singhawardhana.

Sang garwa padmi, ya iku Kusumawardhani iku putri saka Hayam Wuruk patutan karo Padukasori. ing naskah Nagarakretagama (tinulis 1365), Kusumawardhani lan Wikramawardhana diwartakaké wis krama. Kamangka wektu iku Hayam Wuruk nembé yuswa 31 taun. Mula, bisa kapesthèkaké yèn kaloroné wis dipacangaké wiwit cilik.

Saka perkawinan iku, lair putra makutha Rajasakusuma mawa sesebutan Hyang Wekasing Sukha, kang séda sadurungé dadi raja.

Pararaton uga nyebutaké, yèn Wikramawardhana gadhah telu putra saka selir, ya iku Bhre Tumapel, Suhita, lan Kertawijaya.

Bhre Tumapel lair dari Bhre Mataram, putri Bhre Pandansalas. Ia menggantikan Rajasakusuma sebagai putra makutha, tetapi juga meninggal sebelum sempat menjadi raja.

Kalungguhan minangka pewaris takhta banjur diwengku déning Suhita kang lair saka Bhre Daha putri Bhre Wirabhumi. Wikramawardhana séda ing pungkasan taun 1427. Dipèngeti mawa candhi Wisesapura kang dumunung ing Bayalangu.


Didhisiki déning:
Hayam Wuruk
{{{jabatan}}}
1389—1427
Diganti déning:
Suhita