Wikipédia:Artikel pilihan/2007 11
Bengawan Sala iku sawijining kali sing mili saka Gunung Lawu ngliwati provinsi Jawa Tengah lan Jawa Wétan. Dhawané kuran luwih 540 km.
Prakata[besut sumber]
Bengawan Sala asalé saka tlatah Gunung Lawu, mili ngalor ngliwati tlatah Jawa Tengah terus satekané Cepu menggok ngetan liwat Bojonegoro sabanjurè tekan Laut Jawa liwat Surabaya. Bengawan Solo awujud kali sing paling dawa dhëwë ing Pulo Jawa, yakuwi kira-kira 540 kilometer dawané. Sakliyané nduwèni fungsi minangka sarana pengairan kanggoné wrga ing tlatah sing diliwati, tlatah Bengawan Solo kawentar minangka tlatah sing nyimpen sajarah anthropologi kuna. Wilayah Kali Bengawan Solo ambané ana kurang luwih 20.125 km persegi. Saka wilayah Pegunungan Sewu Bengawan Soklo mili ngliwati 20 kabupaten/ kota. Yaiku 9 kabupaten ing Jawa Tengah: Wanagiri, Klathen, Sukaharja, Karanganyar, Bayalali, Sragen, Blora, Rembang lan Kutha Surakarta. Déné ing wilayah Jawa Timur ana 11 Kabupaten sing dilewati yakuwi: Ngawi, Magetan, Ponorogo, Madiun, Pacitan, Bojonegoro, Tuban, Lamongan, Gresik lan Surabaya, saterusé mili tekan Laut Jawa.